Ministria për Evropën dhe Punët e Jashtme do të hapë së shpejti një thirrje publike për të ndërtuar një rezervë të strukturuar profesionistësh që do të ftohen të kontribuojnë në politikën e jashtme.

Sipas njoftimit në rrjetin X, kjo nismë do të përfshijë ekspertë të certifikuar, angazhim sipas nevojave dhe forcim të diplomacisë.

Për krijimin e kësaj nisme renditen 4 arsyet e mëposhtme:

“Sepse bota është gjithnjë e më dinamike dhe komplekse

Kërkohet reagim i shpejtë dhe ekspertizë e specializuar

Diplomacia moderne kërkon fleksibilitet dhe inovacion

Projekti ynë madhor – integrimi evropian kërkon -energji, talent e përkushtim të shtuar”, thuhet në postim.

Pjesë e saj mund të bëhen profesionistë shqiptarë nga vendi e bota të fushave:

Marrëdhënie ndërkombëtare

E drejta

Ekonomia

Siguria

Komunikimi publik

Diplomacia dixhitale

Përzgjedhja do të kryhet e bazuar te meritokracia, verifikimi dhe certifikimi personal profesional, angazhim për periudha të caktuara sipas nevojës.

Nisma synon:

-Forcimin e kapaciteteve të politikës së jashtme

-Përfaqësim më dinjitoz në arenën ndërkombëtare

-Mbështetje konkrete për antarësimin në BE

Detajet e mëtejshme do të publikohen së shpejti në faqen zyrtare të ministrisë.