POP 5

Lajmet më të lexuara të 5 minutave të fundit

Kronikë

Vdiq gjatë ekspeditës nënujore në Sarandë, prindërit e britanikes: Po shihnim në TV funeralin e Mbretëreshës, kishin mision të vizitonin 50 shtete para moshës 30 vjeç

George dhe Gill Gannon nga Britania kanë treguar se si kanë mësuar për lajmin e trishtë se vajza e tyre, 29-vjeçare, Rebecca kishte ndërruar jetë në Sarandë, teksa po bënte zhytje.

Vdiq gjatë ekspeditës nënujore në Sarandë, prindërit e britanikes: Po shihnim në TV funeralin e Mbretëreshës, kishin mision të vizitonin 50 shtete para moshës 30 vjeç

Prindërit e Rebecca-s, George dhe Gillian Gannon

TIRANË- George dhe Gill Gannon nga Britania kanë treguar se si kanë mësuar për lajmin e trishtë se vajza e tyre, 29-vjeçare, Rebecca kishte ndërruar jetë në Sarandë, teksa po bënte zhytje. Ato tregojnë se kanë mësuar lajmin teksa ishin duke parë ne televizion ceremoninë e funeralit të mbretëreshës Elizabeth, kur u morën nga policia për ta njoftuar vdekjen e vajzës së tyre. Ato tregojnë se vajza e tyre ishte shumë e mirë dhe se kurrë nuk kishte shkelur asnjëherë asnjë ligj në jetë.  

“Ajo ishte një vajzë në formë. Ajo nuk ka pirë, nuk ka pirë duhan apo nuk ka bërë ndonjë gjë të keqe, të gjithë jemi të thyer. Për herë të fundit e pashë të premten, një javë më parë, kur ajo la qenin e saj me ne”, tregojnë ato.

Babai i vajzës tregon se është i bindur se instruktori u përpoq ta kthente në jetë, por asgjë nuk mund të bëhej për ta shpëtuar. Sipas famijes, Rebecca bashkë me të dashurin e saj kishin misionin për të vizituar 50 vende përpara se të mbushte moshën 30-vjeçare, por kjo u është ndërpre në mes.

Beccie, siç familja i thërriste dhe i dashuri i saj Robert kishin qenë në qendrën e zhytjes Spiranca pranë qytetit të Sarandës, në Shqipëri. Raportohet se ata po planifikonin të zhyten në rrënojat e një anijeje mallrash italiane, Probitas, e cila është vetëm në det të hapur, por nga kjo zhytje Rebecca nuk ia doli të mbijetonte. Ajo u mbyt në 19 shtator, teksa Gjykata e Sarandës ka vendosur ndjekje në gjendje të lirë nëpërmjet garancisë pasurore prej 1.5 milion lekë të reja për Saimir Kushovën, pronarin e Saranda Diving Center.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Kosovë/ Mbi 90.000 të regjistruar për votim nga diaspora

Kosovë/ Mbi 90.000 të regjistruar për votim nga diaspora

27 Dhjetor, 09:30