Humbi nënën nga COVID-19, gazetarja Jonida Shehu jep mesazhi e fortë: Koha për të bërë vaksinën është tani! Nëse nëna ime do e merrte në kohë, sot do të ishte

Në kohët e vështira covidiane që po jetojmë, vaksina është e vetmja armë në “luftën” me COVID-19, pikërisht këtë ka theksuar edhe gazetarja Jonida Shehu e cila disa muaj më parë ka humbur mamin e saj, nga virusi i rrezikshëm për shkak të vonesës në marrjen e vaksinës.

Ajo tregon se COVID-19 ka prekur edhe persona të tjerë të familjes së saj, por për shkak të vaksinës ata sot janë në jetë, ndërsa nëna e saj jo. Videon, ku gazetarja rrëfen eksperiencës e saj me koronavirusin, e ka publikuar kryeministri Edi Rama.

Shehu në fund të videos ka dhënë edhe një mesazh të fortë për të gjithë lidhur me vaksinën, duke thënë se koha e duhur për ta bërë është Tani dhe jo nesër. Ajo shton se nëse nëna e saj do ta  kishte marrë vaksinën në kohë, gjërat sot do të ishin ndryshe.

Mesazhi i gazetare:

Nuk besoj se ka ngelur njeri pa një përjetim personal për COVID-in sot. Është shumë e freskët koha e këtij COVID-it fatal në familjen tonë. Në të gjitha analizat dhe mendimet që më vijnë gjatë këtyre ditëve pas ikjes së mamit, është që asnjëherë nuk mendova se ajo do të ikte nga COVID-19. Mbas nënës time unë kam pasur edhe njerëz të tjerë të familjes të infektuar që për fat të mirë ishin vaksinuar, nuk e kaluan thjeshtë, por sot janë. Kjo më mjafton për të menduar që shtyrja e kohës së vaksinimit ishte një gabim. Mundësia që vaksina mund të të shtojë qoftë edhe një përqindje pro armëve të tua në luftë me virusin, duke marrë parasysh sa i tmerrshëm dhe i paparashikueshëm është, ja vlen. Nuk është nesër koha e duhur, është sot ose dje nëse mundësh, mbase gjërat do të kishin rrjedhur ndryshe nëse do ta kisha menduar kështu përpara pak muajsh.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

I mbijetoi plumbave të marrë nga sulmi drejt autobusit, djali zgjohet dhe kërkon shokët, prek babai i nxënësit: I thashë jetojnë në parajsë