BRITANI E MADHE- Vajtuesit në Londër përballuan një natë të ftohtë dhe kanë pritur të paktën 24 orë për t'i bërë nderimet e fundit mbretëreshës.
Dita e sotme pritet të jetë dita e tretë e qëndrimit të trupit të monarkes në Westminster Hall. Është e treta nga katër ditët e plota të arkivolit të Mbretëreshës të shtrirë në gjendje në Westminster Hall, në Pallatin e Westminsterit, ku ajo do të qëndrojë deri në mëngjesin e funeralit të hënën e 19 shtatorit.
Arkivoli i mbyllur po ruhet në një vigjilje të vazhdueshme nga ushtarët e njësive që i shërbejnë Shtëpisë Mbretërore. Njerëzit kanë qëndruar në radhë në këmbë gjatë gjithë natës për të bërë nderimet e tyre, ndërsa qindra mijëra të tjerë pritet të bëjnë nderimet e tyre në ditët në vijim.
Zyrtarët thonë se radha, gati pesë milje e gjatë, është afër kapacitetit total. Ata apelojnë që njerëzit të mos i bashkohen linjës tani për tani
Mbreti Charles III dhe tre vëllezërit e motrat e tij - Princesha Anne, Princi Andrew dhe Princi Eduard - më parë mbajtën një vigjilje pranë arkivolit në Westminster Hall.
Më vonë, rreth orës 22:00 të së premtes, një burrë u arrestua pasi iu afrua arkivolit të mbretëreshës.
Videoja e drejtpërdrejtë e Mbretëreshës e shtrirë në gjendje u ndërpre për një periudhë të shkurtër gjatë incidentit. Është konfirmuar se, me kërkesë të mbretit, të dy princat William dhe Harry do të jenë me uniformë kur të marrin pjesë në një vigjilje pranë arkivolit të Mbretëreshës të shtunën në mbrëmje.
Tetë nipërit dhe mbesat e mbretëreshës kanë qëndruar për 15 minuta parë arkivolit ku shtrihet gjyshja e tyre, mbretëresha Elizabeth, për t’i dhënë lamtumirën e fundit. Të pranishëm janë Princi William, Princi i Uellsit, Princi Harry, Princeshat Beatrice dhe Eugenie, Zara Tindall dhe Peter Phillips , Lady Louise Windsor dhe James, Viscount Severn. Ajo që tërhoqi vëmendjen ishte Princi Harry i veshur me unifrmë ushtarake. Më parë Harry i është mohuar që të vesh uniformën në ceremonitë e mëparshme të mbajtjes zi për mbretëreshës , sepse nuk është më një mbrëteror që punon. Mirëpo, siç raportojnë mediat britanike Mbreti vendosi që djali i tij më i vogël të vishte uniformë për vigjiljen.
Mbreti Charles është vendosur në qendër të vëmendjes pasi në një nga momentet teksa po firmoste një dokument zyrtar, nuk i pëlqeu shumë stilolapsi pasi e bënte shumë pis për shkak të bojës. E për këtë një nga qytetaret që kishte dalë në shesh në pritje për t’i dhënë lamtumirën e fundit mbretëreshës Elizabeth, i ka dhuruar mbretit një stilolaps dhe ai “u shkri së qeshuri”, teksa tjerë e kanë duartrokitur për idenë.
Presidenti i Shteteve të Bashkuara, Joe Biden, dhe Zonja e Parë, Jill Biden, më 17 shtator kanë udhëtuar drejt Londrës për të marrë pjesë në varrimin e Mbretëreshës Elizabeth II.
Shtëpia e Bardhë tha më herët se Biden pranoi ftesë nga Pallati Mbretëror për të marrë pjesë në funeral, i cili do të mbahet më 19 shtator në Kishën Uestminister. Nga Shtëpia e Bardhë sqaruan se vetëm Biden është ftuar dhe jo ish-presidentët e tjerë amerikanë.
Kaosi mbretëroi në Westminster Hall të premten mbrëma, kur një burrë iu afrua arkivolit të Mbretëreshës Elizabeth dhe e preku atë, duke çuar më pas në arrestimin e tij nga policia.
Episodi ndodhi rreth orës 22:00 (me orën lokale) përpara dhjetëra njerëzve që prisnin në radhë për t’i bërë nderimet e tyre Elizabeth.
Burri doli nga rreshti, ngjiti shkallët dhe preku arkivolin përpara se të merrej në paraburgim nga Policia Metropolitane, raportoi Guardian.
Pamjet nga transmetimi i ceremonisë zyrtare tregojnë oficerët e sigurisë duke e shtrirë të dyshuarin në tokë.
Lajme të tjera
-
'Në rrugën drejt Shqipërisë 2030!' Turi me diasporën, Rama sot takim me shqiptarët e Londrës, salla me mbi 7 mijë vende
24 Nëntor, 07:10 -
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
BOKS/ Londra ‘vishet’ kuqezi, Alban Bermeta dhe Nelson Hysa fitojnë me ‘K.O.’
23 Nëntor, 15:25 -
Zbulohen detajet e testamentit të Liam Payne, kush do ta trashëgojë pjesën më të madhe të pasurisë së tij?
22 Nëntor, 14:49 -
U fsheh në Spanjë pas arratisë, ekstradohet në Angli 46-vjeçari shqiptar! Kreu i NCA: Trafikonte klandestinë nga Franca dhe Belgjika, siguronte pajisjet për organizatën (EMRI)
21 Nëntor, 22:15 -
Cilat vende e kanë ndaluar TikTok-un dhe pse?
20 Nëntor, 22:33 -
Marrëveshja me Italinë për emigrantët, avokati Hasani për Report Tv: Nuk dihet nëse do të funksionojë! Qeveria britanike po shqyrton paktin e mëparshëm me Shqipërinë
20 Nëntor, 12:23 -
Berisha kërkon vota nga shqiptarët në Angli, vendin që e shpalli ‘Non Grata’: Keni rol në fitoren e opozitës, Ramën në Londër priteni me vezë dhe domate
17 Nëntor, 20:04 -
Angli/ Pjesë e një rrjeti të shitjes së kokainës, 2 shqiptarët e arrestuar dënohen me rreth 8 vite burg në total! Kthyen banesën në bazë droge (EMRA+VIDEO)
15 Nëntor, 21:49 -
Banka Qendrore e Anglisë, thirrje për afrim me Bashkimin Evropian
15 Nëntor, 08:29 -
Turi i diasporës, Rama më 24 nëntor në Londër
14 Nëntor, 14:44 -
The Sun: Në tetor 2022 Putin për pak lëshoi raketë bërthamore në Ukrainë
12 Nëntor, 18:19
