POP 5

Lajmet më të lexuara të 5 minutave të fundit

Sociale

'Hyj këmbadoras në shtëpi që fëmijët të mos më shohin', sakrificat e heshtura të efektivëve të Forcave të Armatosura

Të gjithë po përballemi me pasojat dhe sakrificat që COVID-19 shkaktoi në normalitetin e jetës tonë. Forcat e Armatosura nuk bëjnë përjashtim, të cilët të heshtur sakrifikojnë familjet për të na mbrojtur ne.

Forcat Ushtarake janë gjithashtu pjesë e heronjve në luftën me koronavirusin, të cilët ndodhen në terren 24 orë në të 7 ditët e javës. Për të ruajtur rendin dhe sigurinë e qytetarëve ata sakrifikojnë familjen e tyre si dhe janë gjatë gjithë kohës në përballje me rrezikun e infektimit nga COVID-19.

"Shumicën e kohës kemi qenë të detyruar të qëndrojmë në terren. Mundohem të mos i takoj fëmijët dhe kur shkoj në mbrëmje në shtëpi shpesh futem këmbadoras që të mos më shohin. Jo gjithmonë funksionon dhe kur fëmijët më shohin thonë erdhi Spiderman-i", është shprehur një efektiv i forcave të armatosura.

Edhe për Eriselda Shemën, pjesë e Forcave Ajrore, u shprehën se familjarët tregohen mirëkuptues në këtë situate, ndërsa për rolin e gruas në ushtri tha se "Gratë ushtarake simbolizojnë forcën dhe brishtësinë në të njëjtën kohë".

Për punë e tyre të palodhur, Ministrja e Mbrojtjes Olta Xhaçka ka shprehur mirënjohjen për të gjithë burrat e gratë me uniformë që për t'u ardhur në ndihmë njerëzve, sakrifikojnë familjet e tyre.

"Mirënjohjen më të thellë për çdo burrë e grua në uniformë që sot janë të angazhuar 24/7, duke u ardhur në ndihmë njerëzve më në nevojë dhe duke siguruar respektimin e masave kundër COVID-19, në këmbim të kohës pranë familjeve e fëmijëve të tyre në këto kohë të vështira. Me respektin më të madh.", shkruan Xhaçka.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Speciale/ Blegtorët në udhëkryq, të zgjedhin kullotat apo emigrimin! Realiteti i trishtë i çobanëve që udhëhiqen nga pasioni (VIDEO)

Speciale/ Blegtorët në udhëkryq, të zgjedhin kullotat apo emigrimin! Realiteti i trishtë i çobanëve që udhëhiqen nga pasioni (VIDEO)

20 Prill, 18:16