MALLAKSTËR- Aleksandër Toska, banues në Panahor është arrestuar nga policia pasi dyshohet se ka hyrë në banesën e një 52-vjeçari në Ballsh, e ka kërcënuar me armë me pistoletë dhe e ka goditur me pjesën e pasme të armës. 

Specialistët për Hetimin e Krimeve në Komisariatin e Policisë Mallakastër kanë nisur menjëherë veprimet për identifikimin dhe kapjen e autorit të dyshuar. 

Brenda një kohe të shkurtër, 49-vjeçari është arrestuar nga uniformat blu.

Njoftimi i plotë i policisë:

Mallakastër/ Kanosi dhe goditi me armë sportive, një shtetas, për motive të dobëta, arrestohet 49-vjeçari.  

Sekuestrohet arma sportive (pistoletë), që i arrestuari e posedonte pa leje.  

Specialistët për Hetimin e Krimeve të Komisariatit të Policisë Mallakastër, pas kallëzimit nga një 52-vjeçar, se një shtetas i kishte hyrë në banesë, e kishte kanosur dhe goditur me send të fortë, kanë organizuar punën për kapjen e autorit.   

Brenda një kohe të shkurtër pas kallëzimit, u kap dhe u arrestua shtetasi:   

-A. T., 49 vjeç, banues në fshatin Panahor, Mallakastër.

Nga veprimet e para hetimore dyshohet se ky shtetas, për motive të dobëta, ka hyrë në banesën e 52-vjeçarit, në Ballsh, e ka kanosur me armë sportive (pistoletë) dhe e ka goditur me qytën e kësaj arme.      

Arma sportive u sekuestrua në cilësinë e provës materiale. 

Materialet procedurale iu referuan së Fierit, për veprat penale “Dhunimi i banesës”, “Prodhimi dhe mbajtja pa leje e armëve të gjuetisë dhe sportive”, “Dëmtime të tjera me dashje” dhe “Kanosja”.

-------------------------------
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë