POP 5

Lajmet më të lexuara të 5 minutave të fundit

Sport

Hysaj fiton trofeun e parë me Napolin, Juve humbet me penallti Kupën e Italisë! Sarri: Kaq mund të bënim (VIDEO)

Napoli është kampion i Kupës së Italisë për herë të gjashtë në histori. Ekipi i drejtuar nga Gatusso mposhti Juventusin në finale me 11-metërsh, ndërkohë që ky ishte trofeu i parë për Elseid Hysajn në futbollin italian.

Ashtu si në 2012 Napoli ka dalë fituese e Kupës së Italisë në finale me Juventus-in të zhvilluar në Stadio Olimpico. 90 minutat u mbyllën me porta të paprekura pavarësisht se ekipi i drejtuar nga Gatusso goditi në dy raste shtyllën. Nga pika e bardhë e penalltisë Napoli fitoi me shifrat 4-2, pasi për Juventusin fillimisht Dybala dhe më pas Danilo gabuan.

Për Gatusso-n ky ishte trofeu i parë si trajner, ndërsa edhe Hysaj koleksionoi trofeun e parë në futbollin italian. Pas ndeshjes trajneri i Juventusit Maurizio Sarri u duk i dorëzuar, pasi deklaroi: ‘Lojtarët ishin të dorëzuar, kaq mund të bënim në këtë moment’. Ndërkohë Gatusso ishte më se i lumtur teksa deklaroi: “Jeta dhe mbi të gjitha futbolli më ka dhënë më shumë se sa i kam dhënë unë, më kanë bërë ky që unë jam sot. Nuk është asgjë rastësi sepse unë besoj te Zoti për këtë.”

Ky ishte trofeu i gjashtë në historinë e Napolit në Kupën e Italisë, ndërsa Juventusi në 19 finale ku ka marrë pjesë ka fituar 13 herë.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça