Deputeti demokrat, Klevis Balliu, i është përgjigjur kreut të grupit parlamentar të PS, Taulant Balla, i cili tha se opozita e kishte planifikuar sulmin e sotëm në Komisionin e Medias, pasi sipas tij, deputeti Balliu ka qenë i ‘armatosur’ me vezë në të gjithë xhepat e pantallonave.

Deputeti Balliu e ka quajtur një shpifës zyrtar me vendim gjykate të formës së prerë Taulant Ballën. Sipas tij, veza e madhe sot në Komisionin e Medias ishte grupi parlamentar i PS dhe zogu brenda vezës ishte zogu vrasës i Tiranës, Lali Kulla.

Shpifës zyrtar me vendim gjykate të formës së prerë Taulant Balla, kam dy fjalë për ty. Veza e madhe sot në Komisionin e Mediave ishte grupi parlamentar i PS dhe zogu brenda vezës ishte zogu vrasës i Tiranës Lali Kulla. Taulanti i vogël dhe Lali Kulla nuk kanë pse kërkojnë vezën në radhët e PD, pasi është populli shqiptar ai që do ua dhurojë vrasësve dhe banditëve në pushtet.

Deputeti Klevis Balliu


(Postimi i Klevis Balliut në 'Facebook')