Një 31-vjeçar shqiptar i dënuar me burg për tregtim të lëndëve narkotike është ekstraduar sot nga kryeqyteti grek, Athina. Burime zyrtare nga policia bëjnë me dije se 31-vjeçari Vasil (Nasibi) Jaha ishte shpallur në kërkim ndërkombëtar mbi bazën e vendimit datë 10 korrik 2013 të Gjykatës së Apelit Durrës. Kjo gjykatë e ka dënuar Jahën me 3 vjet 10 muaj dhe 1 ditë burg, për kryerjen e veprës penale të “Prodhimit dhe shitjes së lëndëve narkotike“.