SPANJË- Policia e Katalonjës në bashkëpunim me atë italiane ka arrestuar Florenc Nishkun, të dënuar me burg të përjetshëm për një vrasje të kryer në 2007-ën në Brescia.
37-vjeçar ishte në arrati prej 11 vjetësh dhe kërkohej për vrasjen e bashkëkombësit të tij, Spiro Binjakut. Viktima 25 vjeçare Spiro Binjaku u godit me thikë në trup jashtë një lokali nate dhe ndërroi jetë në spital pas 2 ditësh.
Dyshohet se krimi kishte ndodhur për konflikte të lidhura me trafikun e prostitucionit.
Sipas autoriteteve italiane dy shqiptarët merreshin me trafikun e prostitucionit e sherri mes tyre ka lindur për shkak të kontrollit të territorit të vajzave që i nxirrnin të punonin si prostituta në rrugë. Madje pak ditë para dy shqiptarët ishin grindur me njëri-tjetrin.
Edhe emri i viktimës, Spiro Binajku nuk është i panjohur për policinë shqiptare, ai është një prej autorëve të vrasjes së tre anëtarëve të familjes Mahmuti në Elbasan.