POP 5

Lajmet më të lexuara të 5 minutave të fundit

Kronikë

I dënuar për drejtim mjeti në mënyrë të parregullt, pranga 27-vjeçarit në Fier! 6 të tjerë në hetim

Një 27-vjeçar është arrestuar në Fier. Ledion Brahimi ra në pranga pasi rezulton i dënuar me 1 muaj e 10 ditë për drejtim mjeti në mënyrë të parregullt.

FIER- Një 27-vjeçar është arrestuar në Fier. Ledion Brahimi ra në pranga pasi rezulton i dënuar me 1 muaj e 10 ditë për drejtim mjeti në mënyrë të parregullt, ndërsa 6 të tjerë u referuan për hetim në gjendje të lirë vepra të ndryshme penale, si drejtim traktori pa targa, keqtrajtim të familjarëve dhe konflikte për motive të dobëta.

Ka nisur procedimi në gjendje të lirë për shtetasin Ë. M., 64 vjeç, banues në Divjakë, pasi teksa drejtonte një automjet (traktor) pa targa, dyshohet se për shkak të problemeve shëndetësore (luhatje tensioni), ka rënë nga automjeti, pasagjerja, bashkëshortja e 64-vjeçarit, shtetasja A. M., 65 vjeçe, e cila është në kujdesin e mjekëve.

Specialistët për Hetimin e Krimeve të Komisariatit të Policisë Fier referuan materialet në Prokurori, ku nisi procedimi në gjendje të lirë për shtetasit:

-F. M., 42 vjeç dhe A. P., 32 vjeç, të dy banues në Fier, pasi dyshohet se keqtrajtonin vajzën e tyre 13-vjeçare, e cila aktualisht është akomoduar në Shërbimin e Strehimit Emergjent dhe të Sigurtë "Shtëpia e ngjyrave";

-A. M., 50 vjeç dhe A. M., 25 vjeç, të dy banues në Cakran, pasi dyshohet se për motive të dobëta, kanë goditur me sende të forta, një 59-vjeçar.

Specialistët për Hetimin e Krimeve të Komisariatit të Policisë Lushnjë referuan materialet në Prokurori, ku nisi procedimi në gjendje të lirë për shtetasin A. Ç., 69 vjeç, banues në Kolonjë, pasi dyshohet se për motive të dobëta, ka kanosur vëllanë e bashkëshortes së tij.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça