I dërguari i Presidentit Donald Trump për Lindjen e Mesme Steve Witkoff, tha të dielën se Shtetet e Bashkuara presin që faza e dytë e marrëveshjes së armëpushimit Izrael-Hamas të zbatohet dhe njoftoi se do të vizitojë Lindjen e Mesme javën e ardhshme.
Zoti Witkoff i bëri komentet në një intervistë për televizionin CNN pasi u pyet për vendimin e Izraelit për të shtyrë lirimin e të burgosurve dhe të paraburgosurve palestinezë dhe se çfarë ndikimi parashikonte që të kishin zhvilimet në rajon tek armëpushimi.
“Duhet të kemi një zgjatje të fazës së parë," tha zoti Witkoff.
"Unë do të shkoj në rajon këtë javë, ndoshta të mërkurën, për të negociuar një gjë të tillë."
Zyra e kryeministrit izraelit Benjamin Netanyahu tha të dielën se Izraeli nuk do t’i dorëzonte 620 të burgosur dhe të paraburgosur palestinezë "derisa të sigurohej lirimi i pengjeve të radhës dhe një gjë e tillë të bëhej pa ceremoni poshtëruese".
Hamasi dorëzoi gjashtë pengje nga Gaza të shtunën. Disa pengje izraelite dhe të burgosur e të paraburgosur palestinezë janë liruar si pjesë e një armëpushimi trefazor në Gazë që hyri në fuqi pak para se zoti Trump të merrte detyrën më 20 janar.
Zyra e OKB-së për të drejtat e njeriut i ka përshkruar si shqetësuese pamjet e pengjeve izraelitë dhe të të burgosurve palestinezë të liruar, të cilët ishin tej mase të dobësuar, duke thënë se ato pasqyrojnë kushtet e rënda në të cilat ata mbaheshin.
Zyrtarët palestinezë kanë përmendur lidhjen e syve dhe të duarve të të burgosurve palestinezë dhe paralajmërimet kundër festimeve për lirimin e tyre si shembuj të poshtërimit të tyre nga autoritetet izraelite.
Izraeli përmend si prova të poshtërimit të pengjeve faktin që Hamasi i detyron ata të dalin para turmave dhe ndonjëherë të flasin para se t'i kthehen Izraelit, si edhe faktin që arkivolet me eshtra pengjesh qarkullohen mes turmave.
Zoti Witkoff i tha CNN-it se zoti Netanyahu kishte "synime të mira" dhe se Hamasi nuk mund të vazhdojë të qeverisë Gazën.
Sulmi ushtarak i Izraelit në Gazë, ka shkakuar vdekjen e më shumë se 48,000 palestinezëve që nga tetori i vitit 2023, sipas ministrisë së shëndetësisë së Gazës, e cila kontrollohet nga Hamasi dhe nuk dallon mes luftëtarëve dhe civilëve, si edhe ka sjellë si rezultat akuza për gjenocid dhe krime lufte që Izraeli i mohon.
Sulmi zhvendosi pothuajse të gjithë popullsinë e Gazës dhe shkaktoi një krizë urie.
Gjakderdhja e fundit në konfliktin izraelito-palestinez dhjetëvjeçar filloi pasi 7 tetorit 2023, kur Hamasi sulmoi Izraelin, duke vrarë 1200 persona dhe duke marrë rreth 250 pengje, sipas njoftimeve izraelite.
Vetë zoti Trump ka ngjallur reagim ndërkombëtar lidhur propozimin e tij për të marrë kontrollin e Gazës dhe për të zhvendosur përgjithmonë palestinezët e enklavës. Ekspertët e të drejtave dhe Kombet e Bashkuara e kanë quajtur atë një propozim për spastrim etnik./ VOA
Komente
Lajme të tjera
-
Irani i përgjigjet negativisht letrës së Trump, refuzon negociatat për programin e tij bërthamor
30 Mars, 16:09 -
Netanyahu 'sfidon' sërish urdhër arrestin e Gjykatës Penale Ndërkombëtare, pritet të zhvillojë një vizitë në Hungari
30 Mars, 15:49 -
Skënder Minxhozi: Të gjuash me gur Evropën që të dëgjojë 'sherifi'
30 Mars, 15:31
-
Letrat amerikane kundër diversitetit mbërrijnë edhe te furnitorët italianë: Mos zbatoni politika të barazisë dhe përfshirjes
30 Mars, 15:11 -
Preç Zogaj: Zvogëlimi i SHBA dhe BE-së është horizonti i tyre
30 Mars, 14:42
-
Fitim Zekthi: Drejtësia i ka bërë dy partitë e mëdha të jenë plotësisht apolitike
30 Mars, 14:01
-
Palestinezët në Gazë shënojnë Bajramin me mungesë ushqimi dhe me një luftë të pambarim
30 Mars, 13:15 -
Presidenti Trump kërcënon sërish: Nuk përjashtoj përdorimin e forcës ushtarake për të marrë Groenlandën
30 Mars, 10:49 -
SHBA/ Avioni rrëzohet mbi një shtëpi në Minesota, humbin jetën të gjithë personat në bord, kamerat kapin momentin e përplasjes (VIDEO)
30 Mars, 10:09 -
VIDEO/ Vetëm dy minuta në fushë, Lionel Messi shënon dhe ngjit Inter Miamin në krye të renditjes
30 Mars, 09:22 -
Tërmeti në Mianmar dhe Tajlandë, bilanci thellohet me mbi 1600 të vdekur dhe 200 të zhdukur! Regjistrohen dhe dy lëkundje të tjera nga 5,1 ballë
30 Mars, 07:55 -
Pas bisedave në Signal, sekretari amerikan i Mbrotjes sërish nën kritika/ Pete Hegseth u shoqërua nga gruaja në takime sekrete ushtarake
29 Mars, 22:44
