Prokuroria e Posaçme (SPAK) ka vënë nën hetim kreun e Fondit Shqiptar të Zhvillimit, Dritan Agollin, pas zbulimit të skandalit se i dha tenderin 400 mijë dollarë kuzhinierit që punon me djalin e tij Alfio Rrotanit. Mësohet se Agolli po hetohet nga SPAK për shpërdorim detyre, abuzim me fondet publike dhe korrupsion.
SPAK ka sekuestruar dosjen e këtij tenderi dhe ka urdhër bllokimi për bankat për të kaluar transfertën dhe nuk dihet nëse 400 mijë dollarëshi është kaluar apo është vetëm vlera e tenderit. Dyshohet se paratë kanë kaluar fiktivisht te Rrortani dhe pasi kompania e tij ka fituar tenderin, paratë mund të jenë paguar në formë e ryshfetit te Flladi Agolli.
Më 27 janar të 2022, Fondi Shqiptar i Zhvillimit, i lakmuar për tendera të shumtë, paga të larta e klientelizëm, shpalli fituese të tenderit me objekt shërbim konsulence për ndërhyrje për krijimin e produktit autentik ushqimor lokal duke krijuar menynë e ''100 Fshatrave'', pjesë e programit të qeverisë për Rilindjen Rurale, kompaninë "Mascarpone", bashkë me personin fizik Endrit Maci. Fondi limit sipas dokumentacionit ishte 41,666,667 lekë, ndërsa oferta fituese rezulton në vlerën 41,020,500 lekë, pra me një diferencë prej 640 mijë lekësh mes fondit limit dhe ofertës fituese. Një grup tjetër kompanish është spostuar edhe pse kishte paraqitur një ofertë rreth 15 mijë USD më të ulët se sa kompania fituese.
Ndërkohë administratori dhe aksioneri kryesor i kompanisë fituese ‘Mascarpone’ rezulton kuzhinieri i njohur Alfio Rrotani, me 55 % të aksioneve, ndërsa bashkëpronarët e tjerë janë Senad Perfati, Blenardo Rrushi dhe Eljona Sulovari.
Themeluar në dhjetor të vitit 2018, firma fituese në fakt është një bar-restorant që ndodhet përballë godinës së Fondit Shqiptar të Zhvillimit, dhe që natyrisht frekuentohet nga zyrtarët e niveleve të ndryshme të FSHZH-së, pa përjashtuar as zyrtarët kanë firmosur letrat e tenderit.
Sipas dokumentacionit, bar-restoranti rezulton në adresën Rruga ''Sami Frashëri'', përballë Shkollës Petro Nini Luarasi'', në Tiranë, që përkon me adresën e Fondit Shqiptar të Zhvillimit. Dyshimet për njohje mes funksionarëve publikë që kanë bërë letrat e tenderit dhe kuzhinierit përfitues, janë të natyrshme.
Alfio Rrotani ka rolin kryesor në krahun e përfituesve të parave publike me anë të projektit të diskutueshëm të FSHZH. Ka dyshime për një lidhje financiare mes Alfio Rrotanit dhe Flladi Agolli, i cili është djali i kreut të Fondit Shqiptar të Zhvillimit, Dritan Agolli. Flladi Agolli është pronar i kompleksi “Bedouin Beach Bar”, në plazhin e Hamallajt. Kompleksi është pjesë e kompanisë Hospitality Management & Services Shpk që ka aksionar të vetëm djalin e Dritan Agollit. Në media është raportuar se Alfio Rrotani ka punuar si shef kuzhine pikërisht në restorantin e djalit të kreut të FSHZH.
Por, Report Tv ka mësuar se kreu i FSHZH, Dritan Agolli ka një version tjetër. Agolli ka theksuar se fituesi i tenderit, Alfio Rrotani, nuk ka punuar tek restoranti i djalit të tij, por Rrotani është kontraktuar nga Flladi Agolli për të realizuar menunë e lokalit të tij në Hamallaj. Rrotani ka marrë pagesën për këtë shërbim dhe sipas Agollit nuk ka pasur raport tjetër financiar mes tyre.
Report Tv lexoi dokumentet e tenderit për shërbimin e konsulencës për ndërhyrje për krijimin e produktit autentik ushqimor lokal duke krijuar menunë e ''100 Fshatrave''. Nisur nga përmbajtja e dokumenteve për shërbimin e kërkuar, praktikisht kompania nuk do të bëjë pothuajse asgjë. Në pjesën e kontekstit të ndërhyrjes, nuk është e qartë se çfarë shërbimi do të ofrojë konkretisht Alfio Rrotani, pasi flitet për çështje të përgjithshme në një kontekst social dhe historik.
“Kjo ndërhyrje synon ridimensionim e fshatit shqiptar në një nivel të kënaqshëm në raport edhe me turizmin dhe jetën socio-ekonomike të banoreve që jetojnë ne to. Fshati shqiptar është pjesë integrale dhe e pazëvendësueshme për sektorin e turizmit në përgjithësi dhe atij të agroturizmit në veçanti. Në Shqipëri, turizmi gjithmonë e më shumë po zë një vend të rëndësishëm në strukturën dhe peshën e ekonomisë... FSHZH duke marrë në analizë faktorët që ndikojnë drejtpërsëdrejti në zhvillimin e turizmit në territorin e 100 Fshatrave, ka identifikuar si nevojë krijimin e produkteve autentike ushqimore lokale dhe krijimin e Menusë 100 Fshatrat. Në këtë kontekst përmes kësaj ndërhyrjeje do të synohet mireorientimi dhe përmirësimi në mënyrë të shpejte dhe të qëndrueshme e këtij elementi kyç për zhvillimin e turizmit në territorin e 100 fshatrave”, thuhet mes të tjerash në dokumentin e tenderit.
Dritan Agolli, kreu i Fondit Shqiptar të Zhvillimit ka mohuar që të ketë shkelur ligjin në tenderin 400 mijë dollarë për menunë e 100 Fshatrave. Ai thotë se kjo është një formë presioni për të influencuar në procedurën e tenderimit, e ndërsa thekson se nuk ka asnjë konflik interesi.
“Për këto arsye zhurma që është duke u bërë ne media praktikisht është një ushtrim i hapur presioni për të influencuar në procedurën e prokurimit dhe në vendimarrje gjë e cila bie në kundërshtim edhe me përcaktimet ligjore për personat apo institucionet që ndikojnë në vendimmarrje. Cdo subjekt (individ/person fizik/juridik, etj) i interesuar për faktet dhe të vërtetën mund të akesojë lehtësisht faqen zyrtare të APP-së dhe të konfirmojë këto të dhëna.
Lidhur me çështjen e konflikit të interesit tashmë që kam ardhur në dijeni nga mediat që kanë filluar hetimet për këtë cështje nga organet komptente sqaroj se në këtë pikë tashmë janë këto organe që do të shqyrtojnë dhe vlerësojnë këtë cështje dhe nuk ka më vend për sqarime mediatike.
Në përfundim i shoh në sy me kurajo të gjithë ata që shpifën dhe që i përcollën ato dhe ju them se shpifjet e tyre vetëm më shtojnë bindjen dhe më japin forcë për të ecur përpara në rrugën për zhvillimin e vendit tonë”, shkruan Agolli.
Djali i kreut të Fondit Shqiptar të Zhvillimit, Dritan Agollit, duket se ka filluar të marrë masa për të fshirë provat që e lidhin atë me kuzhinierin Alfio Rrotanin, pasi kompania ku ai është aksioner kryesor u shpall fituese e tenderit me vlerë 400 mijë dollarë
Në faqen në Instagram të restorantit të Flladi Agollit me emrin “Bedoun Beach Bar” janë fshirë të gjitha fotot e Rrotanit. Më parë në faqen e restorantit ishin foto të Rrotanit i cili shfaqej me gatimet specialitete të restorantit dhe me uniformën e shefit të kuzhinës. Pavarësisht se në profilin e restorantit fotot janë fshirë, Rrotani vetë vijon t'i ketë në profilin e tij.
Në pretendimet e tij, Dritan Agolli ka theksuar se fituesi i tenderit, Alfio Rrotani, nuk ka punuar tek restoranti i djalit të tij, por se është kontraktuar nga Flladi Agolli për të realizuar menynë e lokalit të tij në Hamallaj. Rrotani ka marrë pagesën për këtë shërbim dhe sipas Agollit nuk ka pasur raport tjetër financiar mes tyre.
Komente
Lajme të tjera
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
-
'Djathtas 1912' partia e parë që deklaron votën: Jemi pro zgjatjes së mandateve të prokurorëve të SPAK! 70% e qytetarëve e mbështesin, i vetmi që lufton korrupsionin
21 Dhjetor, 18:00 -
Ish-gjyqtarja Fetahu i kërkon nga qelia Gjykatës së Lartë rrëzimin e masës ‘arrest në shtëpi’ të vendosur ndaj saj në gusht
21 Dhjetor, 17:27 -
Paralajmërimi i Bashës për opozitën: Koha na dha të drejtë, pazari Rama-Berisha për të mbrojtur pandëshkueshmërinë, ishte mesazh kundër SPAK
21 Dhjetor, 16:57 -
Tentuan vrasin të "fortin" e Vlorës/ SPAK kërkon 11 vite burg për Luzin dhe Koroveshin! 2 vite e 9 muaj për Amarildo Nikollin
21 Dhjetor, 14:17
-
‘Mbështesim SPAK, pro zgjatjes së mandatit të prokurorëve’, Alibeaj: Këta duan që të minojnë punën e tij! Komisioni ‘Xhafaj’ synim për ta delegjitimuar
21 Dhjetor, 12:49 -
Ylli Pata: A do pranohet nga socialistët, propozimi i SHBA për zgjatjen e mandatit të prokurorëve të SPAK?
20 Dhjetor, 19:33
-
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
5 vite SPAK, Sula: Stekën e ka ngritur vetëm tek opozita, jo mazhoranca! Nesturi: Ata që flasin kundër, janë më të prekurit! Sefa: Ecuria duhet të ishte më e shpejtë
19 Dhjetor, 21:58 -
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
SPAK 5 vjeç, Altin Dumani: Misioni vazhdon! (Fjala e plotë)
19 Dhjetor, 15:32
SPAK ose KAPS e ka vendosur ne hetim sa te harrohet si ceshtje, pastaj e mbyll pa zhurme. Po i dhe 10 mije leke policit arestohesh ne flagrance. Per kete qe fakter jane sheshit duhen hetime te gjata, duhet kohe sa te harrohet. Turp o SPAK qe vepron si prokurori partie dhe jo shqiperie.
PërgjigjuKy Agolli, eshte nje nga tentakulat e Rames ne vendet e punes ku ka leke pa hesap. Artan Lame te Kadastra, Blendi Gonxhe te DPSHTRR, ky te Fondi, e shume e shume tentakula te kohes ee Rames ne bashki, jane te shperndare aty ku leku eshte me karroce dore. Albanistan hesapi
PërgjigjuShpikje e re e hajduteve
PërgjigjuTe gjithe ish zyrtaret e bashkise Tirane ne kohen Rama jane nona e korrupsionit.
PërgjigjuNuk u ngop ky tullaqi i qelbur, hajduti legen.
PërgjigjuDuhet shkarkuar dhe arrestuar menjeher
PërgjigjuTe tere zyrtaret e shtetit bejne korrupsion sidomos ata qe kane ne dore tenderat. Ky thjesht nuk do kete cuar zarfin ne kohe lart
PërgjigjuKuzhinier i leshit
Përgjigju