Bashkia e Beratit reagon ndaj akuzave të PD-së: Po bëhej transferim mallrave që janë shpërndarë për ndihmë ndaj familjeve të prekura nga pandemia

Bashkia e Beratit ka mohuar akuzat e PD-së se po shpërndaheshin ndihma natën për qytetarët duke deklaruar se thjesht po zhvendoste materiale nga një ambient i bashkisë në magazinë.

Në një reagim zyrtar, bashkia Berat thotë se po bëhej një transferim i mallrave të ndryshme që janë shpërndarë për ndihmë ndaj familjeve të prekura nga pandemia, nga salla e konferencave në magazinat e Drejtorisë Arsimore dhe sipas bashkisë strukturat e autorizuara kanë filluar zhvendosjen e këtyre materialeve në magazinat e përcaktuara.

Po ashtu bashkia thekson se çdo tentativë për të penguar funksionet e Bashkisë Berat tregon qartazi dëshpërimin e subjekteve politike të caktuara që kërkoj me çdo kusht të tensionojnë situatën dhe të njollosin qetësinë e zhvillimit të fushatës zgjedhore në qytetin e Beratit.

LEXO EDHE:
Nata e ndërrimit të viteve, spektakël fishekzjarresh edhe në Berat

'Bashkia Berat gjatë periudhës së pandemisë ka organizuar në ambientet e sallës së konferencave, mallra të ndryshëm për ndihmë ndaj familjeve të prekura nga pandemia. Si rrjedhojë e kërkesës së strukturave të Bashkisë Berat për të organizuar aktivitete me grupet e interesit duke respektuar masat anti COVID, ka lindur nevoja e transferimit të bazës materiale nga salla e konferencave në magazinat e Drejtorisë Arsimore. Strukturat e autorizuara kanë filluar zhvendosjen e këtyre materialeve në magazinat e përcaktuara.

Çdo tentative për të penguar funksionet e Bashkisë Berat tregon qartazi dëshpërimin e subjekteve politike të caktuara që kërkoj me çdo kusht të tensionojnë situatën dhe të njollosin qetësinë e zhvillimit të fushatës zgjedhore në qytetin e Beratit. Organet ligj-zbatuese duhen të ndjekin të gjitha hapat ligjore dhe ne garantojmë bashkëpunimin dhe transprencën maksimale në sqarimin e çdo akuze të motivuar nga verbëria politike.'- njofton bashkia Berat.

TAG:
• PD
• Berat
• Bashkia Berat
• zgjedhjet parlamentare 2021
• tomor alizoti

Sondazhi i ditës:

Çfarë prisni në vitin 2025?

• Punë

  8.1%

• Shëndet

  73.5%

• Mirëqënia

  18.5%

Vota total: 260

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia