POP 5

Lajmet më të lexuara të 5 minutave të fundit

Kronikë

I kërkuar në Itali për grup kriminal dhe trafik droge, vetëdorëzohet në policinë e Tiranës 36-vjeçari! Pjesë e grupit të Ergys Dashit që u ekzekutua në Ekuador

Rako Plaku, 36-vjeç i shpallur në kërkim nga autoritetet italiane për grup kriminal e trafik drogë, është vetëdorëzuar ditën e sotëm në policinë e Tiranës

I kërkuar në Itali për grup kriminal dhe trafik droge, vetëdorëzohet në policinë e Tiranës 36-vjeçari! Pjesë e grupit të Ergys Dashit që u ekzekutua në Ekuador

Foto ilustruese

Rako Plaku, 36-vjeç i shpallur në kërkim nga autoritetet italiane për grup kriminal e trafik drogë, është vetëdorëzuar ditën e sotëm në policinë e Tiranës.

Blutë e kryeqytetit njoftojnë Rako Plaku, banues në Yzberisht në Tiranë, është vetëdorëzuar në Komisariatin e Policisë Nr. 2, i cili ishte shpallur në kërkim ndërkombëtar, pasi autoritetet gjyqësore italiane kanë lëshuar ndaj tij, urdhër arrestin për veprat penale "Organizatë kriminale" dhe "Trafikimi i narkotikëve". Në bashkëpunim me Interpol Tirana vijojnë procedurat për ekstradimin e tij.

Rako Plaku u arrestua në 2022 në Itali si pjesë e një grupi kriminal që sillte kokainë nga Amerika Latine në Europë, por nuk dihet si ëshë lënë i lirë. 36-vjeçari ishte pjesë e grupit të Ergys Dashit të vrarë në Ekuador në janar 2022.

Kush ishte Ergys Dashi?
Ergys Dashi kishte lidhje me Plarent Dervishaj, kunati i Lul Berishës dhe Eldi Dizdarin, të dy të shpallur në kërkim ndërkombëtar dhe të strehuar në Dubai, si vendi ku strehohen kriminelët shqiptarë për shkak se qeveria shqiptare nuk ka marrëveshje ekstradimi me autoritete në Dubai. Dervishaj ka qenë i akuzuar si anëtar i bandës së Durrësit, ndërsa Eldi Dizdari njihet për lidhjet mes bosëve të drogës në Amerikën Latine dhe kishte lidhje shumë të forta me Ndraghetën. 

E madje, Dashi në vitin 2014 është arrestuar nga policia italiane po për kultivim droge, si pjesë e një operacioni që çoi prapa hekurave 32 persona. Trafiku i heroinës drejtohej nga shqiptari Ergys Dashi, në atë kohë vetëm 25 vjeç, i cili përfundoi pas hekurave pas një hetimi 3-vjeçar nga autoritete italiane në Pulia. Transporti i drogës, heroinë e cilësisë së shkëlqyer, bëhej përmes makinave të modifikuara. Droga shitej me një çmim konkurrues, si për të lejuar fitime të mëdha për ata që e blenë. 

Si u ekzekutua Ergys Dashi?
Ekzekutimi ka ndodhur 22 janar në orën 19:00, kur një nga autorët ka hyrë brenda lokalit me synimin për të ekzekutuar Ergys Dashin, ndërsa tjetri e priste jashtë me motor për ta larguar. Autori mbante një buqetë me lule në duar, për t'u ruajtur nga kamerat e sigurisë së barit, dhe teksa i është afruar me vrap tavolinës ku ndodhej Dashi ka nxjerrë armë dhe ka qëlluar për vdekje durrsakun, ndërkohë që miku në tavolinë me Dashin ka tentuar të qëllojë autorin me karrige, por është zmbrapsur pasi autori vijonte të qëllonte me armë edhe teksa largohej me vrap jashtë lokalit. Në momentin e ekzekutimit, ka pasur edhe klientë të tjerë në lokal, të cilët kanë mbetur të tmerruar nga breshëria e armës. Në vendngjarje, ekspertët e kriminalistikës kanë grumbulluar mbi 20 gëzhoja. Sipas mediave në Ekuador, dyshohet se Dashi është i përfshirë në trafikun e kokainës dhe se prishja e pazareve të drogës të jetë shkak i ekzekutimit të tij nga bandat rivale.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Kosovarët e duan Harris e serbët Trump

Kosovarët e duan Harris e serbët Trump

5 Nëntor, 10:19