POP 5

Lajmet më të lexuara të 5 minutave të fundit

Kronikë

I mblodhi për skrap, sot hap galerinë 'Antika Sarandë' me 1500 objekte që tregojnë copëza historie në kohë të ndryshme (VIDEO)

"Antika Sarandë" është galeria më e re në qytetin bregdetar. Aty janë ekspozuar mbi 1500 objekte që i përkasin periudhave të ndryshme historike. E gjitha nisi si një punë nga Hyqmet Balla për të ushqyer familjen, por që rrugës mori formë  dhe vlerat e një koleksioni të rëndësishë

"Antika Sarandë" është galeria më e re në qytetin bregdetar. Aty janë ekspozuar  mbi 1500 objekte që i përkasin periudhave të ndryshme historike. E gjitha nisi si një punë nga Hyqmet Balla për të ushqyer familjen, por që rrugës mori formë  dhe vlerat e një koleksioni të rëndësishëm

Kjo galeri e veçantë me objekte të përdorura në disa periudha historike ndodhet në Sarandë. 1500 objekte bronzi, tunxhi, bakri, hekuri, druri dhe qelqi zbuluar e ruajtur nga Hyqmet Balla. Gjithçka nisi 7 vite më parë kur ai u shpërngul nga Tepelena për në qytetin bregdetar.

E vetmja mundësi për të nxjerrë të ardhura ishte mbledhja e hekurishteve. Por duke parë vlerat e rralla që paraqisnin ato Hyqmeti filloi t'i koleksionojë, për të hapur sot këtë galeri, të cilën e ka emërtuar "Antika Sarandë".

“Kjo ide më lindi para 7 vitesh. Mblidhja skrap në Sarandë. Ju thoja klientëve se nëse keni një objekt të veçantë mos e shtypni, mbajeni veçan. Dhe arrita deri tani që kam mbi 1500 copë. Ideja është që të afrohen njerëzit, të kujtojnë fëmijërinë. Të thonë që kam pirë çaj apo kam lexuar me këtë fenerin. Deri tani asnjë interesim. Synimet e mia që sa më shumë turistë të vijnë në dyqanin tim, lokalin tim. Për të blerë ka pasur kërkesa, por nuk i kam shitur. Nuk po gjej më. I kanë hedhur poshtë për skrap”, tha Hyqmet Balla. 

Edhe pse shumë herë familja e Hyqmetit ndodhej në vështirësi ekonomike, ai asnjëherë nuk mendoi shitjen e këtyre relikeve të vjetra.

“Kemi pasur momente që mbetëm dhe pa lek. Më thoshte nusja shiti burrë se na duhen lekë, por nuk i shita. Edhe para ca vitesh më ndodhi një problem, prapë nuk i shisja. Kur iki në fshat lë roje këtu që të mi ruaje dhe mos të mi vjedhin”, u shpreh Balla. 

Përgjegjësi i muzeut të Traditës në Sarandë Xheladin Beqiri thotë se këto objekte mbartin vlera dhe rëndësi të veçantë për trashëgiminë kulturore dhe materiale të kësaj treve.

“Këtu kemi një muze me objekte që i përkasin disa periudha kohore dhe që kanë qenë funksionale. Objekte të përbëra nga disa lloje materialesh. Fatmirësisht Hyqmeti i ka mbledhur dhe sistemuar. Vendosja në këtë muze është prap një ide e mirë. Janë me tre cilësi. Përdoren ose për gatim, ose për transport, ose për funksione të tjera. Interesante është për këtë lloj muzeu edhe mbledhja e disa zileve dhe këmborëve të përdorura në stane. E ka nisur nga më të voglat tek të mëdhatë. Doja të ndalesha tek objektet e vogla, që nga xhezvet, gotat skulptura. Ky muze është me vlera të mëdha etnografike. Duke pasur këto objekte të shumta që nuk i ka Saranda apo ndonjë vend tjetër. Një turist duke ardhur dhe duke parë këto objekte, do thojë janë një produkt i zgjuar. Sepse mund ti shiste për bakër dhe mund të merrte prapë lekë”, tha përgjegjësi i muzeut Sarandë, Xheladin Beqiri.

Kjo galeri e veçantë pritet të shndërrohet në një atraksion turistik. Përgjegjësit mendojnë që në të ardhmen muzeu të vizitohet nga turistë të huaj e pushues vendas.

M.Q./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 18/05/2021 02:21

    O.M.G.sa kujtime? Bravo te qofte qe i ke mbledhur e ruajtur,sepse pasaniket e sotem,ne thelb, kane mbetur injorantet e djeshem,gje qe tregohet nga fakti qe i kane hedhur, se nuk ua dine vleren.Aty pashe mullinjte e kafese,qe nena ime i perdor akoma,sepse asnje mulli elektrik nuk ben bluarje te kafese me cilesine e ketyre mullinjve;gjithashtu pashe nje pagure nga ato te //Migjenit// qe une akoma e kam ne shtepi ne Tirane;pashe ne min.2.00 nje tabaka qe akoma e perdorim per qirasje;pashe dhe makinat qepese /Singer/.Une i kam blere nenes nje moderne,por ajo e solli vitin e kaluar /Singer/e saj qe punon me dore,qe nga Shqiperia ketu ne Amerike.Kur e pashe u shtanga,sepse eshte aq e rende;s.d.q.ne ndajme se bashku pasionin per antikat,qe na u shtua me shume ketu,ku ne PBS na pelqen nje emision/Antiques roadshow/,ku njerezit sjellin per vleresim gjera te ndryshme qe i posedojne qe shkojne nga disa qindra deri ne miliona dollare.Me vjen mire qe dhe aty ka njerez qe vleresojne antikat.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Sot Amerika vendos/ Nisin votimet! Garë e ngushtë presidenciale, por Harris është 4 pikë në avantazh! Qendrat e votimit me xhama antiplumb e dyer çeliku

Sot Amerika vendos/ Nisin votimet! Garë e ngushtë presidenciale, por Harris është 4 pikë në avantazh! Qendrat e votimit me xhama antiplumb e dyer çeliku

5 Nëntor, 07:21