POP 5

Lajmet më të lexuara të 5 minutave të fundit

Politikë

I Ngarkuari me Punë i SHBA-së, uron Igli Hasanin për detyrën si ministër i Jashtëm: Diskutime edhe për situatën në Veri të Kosovës

I Ngarkuari me Punë i Ambasadës së SHBA-së, ka takuar ministrin e Jashtëm Igli Hasani më të cilin kanë diskutuar mbi çështje të rëndësishme, ku ndër to edhe situatën në veri të Kosovës.

I Ngarkuari me Punë i SHBA-së, uron Igli Hasanin për detyrën si ministër i Jashtëm: Diskutime edhe për situatën në Veri të Kosovës

Igli Hasani dhe David Wisner

I Ngarkuari me Punë i Ambasadës së SHBA-së, David Wisner, ka zhvilluar një takim më ministrin e Jashtëm të Shqipërisë Igli Hasani të cilin e ka uruar për detyrën e re.

Mes çështjeve të rëndësishme që kanë disktutuar kanë qenë edhe situata në veri të Kosovës duke rënë dakord se sulmi i 24 shtatorit ishte i papranueshëm dhe se personat e përfshirë në sulm duhet të sillen para drejtësisë.

"I Ngarkuari me Punë i Ambasadës së SHBA-së, David Wisner, uroi ministrin e Jashtëm shqiptar Igli Hasani për emërimin e ri dhe e falënderoi për partneritetin e fortë të Shqipërisë me Shtetet e Bashkuara. Ata diskutuan situatën në veri të Kosovës, duke rënë dakord se sulmi i 24 shtatorit ishte i papranueshëm dhe se personat e përfshirë në sulm duhet të sillen para drejtësisë", njofton ambasada e SHBA në Tiranë.

Gjithashtu Wisner falënderoi ministrin Hasani për mbështetjen e  Shqipërisë ndaj Ukrainës në Këshillin e Sigurimit të OKB-së.

 "Z. Wisner shprehu gjithashtu mirënjohjen e Shteteve të Bashkuara për bujarinë e Shqipërisë në pritjen e të evakuuarve afganë në pritje të rivendosjes. Ai falënderoi gjithashtu ministrin Hasani për mbështetjen e palëkundur të Shqipërisë ndaj Ukrainës në Këshillin e Sigurimit të OKB-së dhe kandidaturën e Shqipërisë për Komisionin e Kombeve të Bashkuara për të Drejtat e Njeriut", shton më tej ambasada.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça