POP 5

Lajmet më të lexuara të 5 minutave të fundit

Kronikë

I penduari i “tritolit”: Unë bëja
vrasjen, sekseri merrte lekët

I ndaluari për dy vrasjet, Julian Sinani, ka shfaqur pakënaqësi për “rrogën” që merrte për krimet. Gjatë rrëfimit për ekspertët e policisë dhe prokurorisë së Krimeve të Rëndaka treguar se, për vrasjen e bisnezmenit Sokol Veizajt i ishin premtuar 1500 metra tokë dhe në fund kishte marrë "vetëm një apartament". (Foto: Julian Sinani, i  arrestuar për vrasje dhe atentate me tritol) VIDEO
SHKB: Minat, aksioni u dekonspirua nga brenda policisë
Sinani në mediat greke: Unë autor i 27 vrasjeve
Arrestimet, qytetarët e Vlorës për A1 Report: Të kapen kriminelët e vërtetë
Pendohet Julian Sinani/ Banda vriste me pagesë
Dervishi tha dje për A1 Report: Në Vlorë e dinë kujt i shërben
Mitro u arrestua dje në Rinas VD
PDF/Ja biznesi i Mitros/Për çfarë akuzohet banda
Pranga grupit të tritolit/Tahiri:Goditje spektakolare
TIRANË - Vrasësi me pagesë, 31-vjeçari Juljan Sinanaj, ka shfaqur pakënaqësi rreth pagesave për çdo eleminim fizik që kryente, ndoshta për këtë fakt ka zgjedhur dhe të bashkëpunojë me policinë.
 
Në rrëfimin pranë ekspertëve të Policisë së Tiranës dhe prokurorisë së Krimeve të Rënda, ai zbërtheu gjithë skemën e vrasjeve. Si përshembull, Sinanaj tha se për vrasjen e bisnezmenit Sokol Veizaj i ishin premtuar 1500 metra tokë dhe në fund kishte marrë vetëm një apartament.
 
Ndërkaq, atentati në tentativë ndaj prefektit të Vlorës, Besnik Dervishi, ishte mundësuar pas dështimit të vrasjes së një tjetër biznesmeni, me inicialet J.M.

Porositësi Marion Mitro i kishte premtuar Sinanajt 20 mijë euro në këmbim të vrasjes së Metushit dhe meqë nuk u realizua, ai i kërkoi killerit 27-vjeçarit të vendoste tritol në makinën e prefektit të Vlorës.
 
Kryesisht Sinanaj merrte nga 5 deri në 50 mijë euro për çdo shërbim, ndërsa ka theksuar faktin se i dukej sikur paguhej më pak se Neritan.Gj, i cili ishte personi-kyç që njihej si ndërlidhësi mes vrasësit dhe porositësit, pra një sekser i mirëfilltë njerëzish.

Burimet e rezervuara policore thanë se Sinanaj, që ishte edhe ekzekutuesi real i porosive për vrasje, ka deklaruar para ekspertëve se, “nuk më jepnin hakun. Unë bëja punën dhe lekët i merrnin të tjerët”.
 
Përveç serisë së vrasjeve të bëra në Greqi, ku për mediet fqinje pranoi se ishte urdhëruar nga një politikan, Sinanaj dyshohet edhe për disa vrasje në Itali dhe shtete të tjera, ku urdhëruesit e krimeve dyshohet se ishin krerë të organizatave të trafikut të drogës dhe prostitucionit si dhe në rangjet e zyrtarëve të lartë.
 
julian sinani















(Në foto: Julian Sinani dhe materialet e gjetura në banesën e tij)

Redaksia online
(ac/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Hodhi çantën me 100 gramë kokainë para kontrollit dhe ‘dribloi’ karabinierët, kapet pas 7 muajsh 25-vjeçari shqiptar! Në kërkim shoku

Hodhi çantën me 100 gramë kokainë para kontrollit dhe ‘dribloi’ karabinierët, kapet pas 7 muajsh 25-vjeçari shqiptar! Në kërkim shoku

12 Janar, 16:27