I premtonte të dënuarve lirinë në këmbim të parave, pranga gardianit të burgjeve në Burrel

Një oficer i Policisë së Burgjeve, Burrel është ndaluar pas akuzave për korrupsion dhe shpërdorim detyre. Alberd Patushi, 45 vjeçar, banues në Burrel, kishte tre muaj që hetohej nga Prokuroria e Krimeve të Rënda.

Mësohet se Patushi iu merrte të dënuarve shuma të konsiderueshme parash, duke iu premtuar ndikimin tek funksionarë të sistemit të drejtësisë, për të fituar lirinë në mënyrë të kundraligjshme.

Njoftimi i plotë:

LEXO EDHE:
Përndiqte një vajzë në Tiranë, arrestohet 62-vjeçari

Një oficer i Policisë së IEVP Burrel është ndaluar nga Shërbimi i Kontrollit të Brendshëm në Sistemin e Burgjeve (SHKBSB) pasi është autor i dyshuar i veprave penale “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë” dhe “Shpërdorimi i detyrës”, të parashikuara nga nenet 319/ç dhe 248 të Kodit Penal.

Në datë 06 korrik 2018, ora 21:00 nga ana e SHKBSB është bërë ndalimin i oficerit Alberd Xhemal Patushi, 45 vjeç, lindur dhe banues në Burrel, i cili aktualisht mbante detyrën e Specialistit të Trupës pranë Institutit të Ekzekutimit të Vendimeve Penale Burrel.

Ndalimi i këtij shtetasi është bërë në kuadër të një hetimi 3 mujor në funksion të procedimit penal të Prokurorisë së Krimeve të Rënda, Tiranë.

Shtetasi Alberd Patushi duke përfituar nga pozicioni i punës iu ka marrë disa të dënuarve në IEVP Burrel shuma të konsiderueshme parash, duke iu premtuar atyre ndikimin tek funksionarë të sistemit të drejtësisë, për të fituar lirinë në mënyrë të kundraligjshme.

Materialet hetimore do t’i kanë kalojnë Prokurorisë së Krimeve të Rënda, Tiranë për veprime të mëtejshme.

TAG:
• arrestim
• pranga

Sondazhi i ditës:

Si i vlerësoni protestat e dhunshme të Rithemelimit tek Bashkia?

• Të drejta

  22.5%

• Te gabuara

  72.8%

• Nuk e di

  4.7%

Vota total: 683

• Sondazhi i ditës:

  Si i vlerësoni protestat e dhunshme të Rithemelimit tek Bashkia?

  Të drejta Te gabuara Nuk e di