I riu në Gramsh kapet me doza kokaine dhe kanabis, në Krujë arrestohet i kërkuari për kultivim droge

Foto ilustruese

Dy persona janë arrestuar në Gramsh dhe në Krujë për shitje dhe kultivim të lëndëve narkotike. Policia thotë se  23-vjeçari M. M., nga Skrapari u kap në aksin rrugor Gramsh-Kodovjat dhe gjatë kontrollit në automjetin policia gjeti dhe sekuestroi 37 doza me kanabis, kokainë, një shishe farmaceutike me lëng vajor i dyshuar si kanabis, 14 fishekë, armë gjahu, një shkop metalik me hapje si dhe automjetin me të cilin ai lëvizte.

Ndërkohë një 37-vjeçar nga Kruja, i cili ishte shpallur në kërkim është arrestuar nga policia me akuzën e kultivimit të lëndëve narkotike. Policia e Durrësit njoftoi se për shtetasin I.P banues në Tapizë, Gjykata e Shkallës së Parë Krujë, më datë 28.08.2019, i ka caktuar masën e sigurisë "Arrest në burg", pasi dyshohet se ka kultivuar lëndë narkotike kanabis sativa në fshatin Bret, Njësia Administrative Cudhi.

Sakaq një ditë më parë, Kryetari i Njësisë Administrative Cudhi dhe 6 kryepleq të fshatrave në Krujë u proceduan penalisht pasi nga kontrollet policore ka rezultuar se në disa fshatra ishte mbjellë kanabis sativa.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Takimi i 7 mes dy qeverive Shqipëri-Kosovë dhe 16 marrëveshjet e nënshkruara i konsideroni:



×

Lajmi i fundit

John

Rruga e Arbrit dhe ura më të lartë në Ballkan hapet në 29 nëntor! Ministrja: Mjetet të ecin me kujdes