I riu tenton të vrasë punëtorët që
po ndërtonin rrugën, arrestohet
Eduart Gjika, 25 vjeç, qëlloi me armë

DURRES - Një i ri është vënë në pranga nga Policia e Durrësit ditën e sotme, pasi ka tentuar të vrasë me armë zjarri punëtorët e një firme ndërtimi, të cilët po rikonstruktojnë aksin rrugor Lalëz-Bizë.

I riu ka dalë nga banesa me automatik në dorë dhe ka qëlluar disa herë në ajër, duke kërcënuar punëtorët e firmës.

Ai është Eduart Gjika, 25 vjeç. Policia menjëherë ka ndërhyrë duke e arrestuar dhe duke sekuestruar edhe armën e zjarrit.


Arma që përdori autori e sekuestruar nga policia

NJOFTIMI I POLICISE
Qëllon me armë zjarri automatik në ajër.
Tenton të vrasë për motive pronësie punëtorët  e një firme që rikonstruktonin rrugën Lalëz-Bizë.
Kapet autori pas një operacioni të pandërprerë nga Forcat e Policisë Durrës.
Sekuestrohet një armë zjarri automatik dhe 28 fishekë.

Specialistët e Sektorit për Hetimin e Krimeve të Rënda  në Drejtorinë Vendore të Policisë Durrës, në bashkëpunim me Efektivet e Komisariatit të Policisë Durrë, pas një pune hetimore të mirëorganizuar dhe të pandërprerë që më datë 19.07.2017,  kanë bërë të mundur kapjen dhe ndalimin  e shtetasit:
Eduart Gjika 25 vjeç, banues në fshatin Bizë, i dënuar për trafik të lëndëve narkotike në Itali.

Gjika, më datë 19.07.2017, në fshatin Bizë ka tentuar të vrasë me armë zjarri automatik, për motive pronësie, punëtorët e firmës që merreshin me rikonstruksionin e rrugës Lalëz-Bizë, duke qëlluar në ajër.

Fatmirësisht nuk ka pasur persona të dëmtuar.
Me të marrë njoftim Efektivet e Policisë kanë bërë të mundur identifikimin e autorit të dyshuar dhe pas një pune hetimore të specializuar kanë bërë të mundur ndalimin e tij ditën e sotme, për shkak të rrezikshmërisë së lartë që kishte shtetasi i ndaluar dhe fakti që ishte i armatosur.

Gjatë kontrollit të ushtruar në ambientin ku ai ishte fshehur u gjetën dhe sekuestruan në cilësinë e provave materiale:
një armë zjarri automatik model 56, kalibër 7.62 mm; një kreher me 28 fishekë.

Materialet I kaluan Prokurorisë së Rrethit Gjyqësor Durrës për veprime të mëtejshme për vepratpenale” Kanosja”dhe”Prodhimi dhe mbajtja pa leje e armëve luftarake dhe e municionit”parashikuar në nenin 84 dhe 278/4   të Kodit Penal.

Redaksia Online
l.q/Shqiptarja.com