SHBA-Tre vetë u vranë dhe një tjetër u plagos, kur një person i armatosur hapi zjarr në Fresno, Kaliforni, në një sulm të dyshuar si terrorist, por qe me pas u konfirmua për motive raciste. Autori ndodhet në pranga ku ka rrëfyer motivin e ngjarjes.

"Kori Ali Muhammad ka qëlluar 16 herë në 90 sekonda", tha shefi i policisë Jerry Dyer.

"Ai bërtiti "Zoti është i madh" në gjuhën arabe, kur është arrestuar nga policia", ka thënë Dyer pwr BBC. 

​Muhamed ishte i kërkuar edhe për vrasjen e një roje sigurie në qytet javën e kaluar.

Vrasësi, një Afro-amerikan, kishte treguar në mediat sociale se 'i urrente njerëzit e bardhë' dhe shprehte pikëpamjet anti-qeveritare, tha policia.

Të katër shenjestrat ishin meshkuj të bardhë, dhe një prej tyre u qëllua në makinën e tij.

Të shtënat filluan rreth 10:45 të orës lokale në afërsi të selisë për organizatat bamirëse katolike, ku dhe mbetën të vrarë 2 persona. 

Vrasësi më pas qëlloi mbi një automjet, ku mbeti i vrarë pasagjeri dhe u plagos shoferi.

Dëshmitarët thanë se panë një burrë që mbante një pistoletë të madhe, të cilën ai e rimbushi disa herë.

Ai më pas u prangos nga policia.