Policia e Sarandës ka prangosur mëngjesin e së premtes 2 të rinj ndërkohë që ka shpallur në kërkim një bashkëpunëtor të tyre, pasi në bashkëpunim me njëri-tjetrin i kanë vjedhur një studente portofolin dhe disa bizhuteri.
 
Sipas policisë, në pranga ka rënë Spartak Kreci, 20 vjeç dhe Xh. K., 18 vjeç, ndërkohë që është shpallur në kërkim A.J., 15 vjeç.
 
Ajo shton se, në lagjen nr.3 Sarandë, Xh. K., në bashkëpunim me A.J (i shpallur në kërkim), i kanë vjedhur një portofol me disa para brenda, si dhe disa bizhuteri me vlerë studentes me iniciale E.L. 20 vjeç, banuese në Ersekë (studente), pranë vendit të quajtur "Shkalla e Raiffeisen Bank".

Redaksia Online
(F.T/shqiptarja.com)