BERAT- Dy të rinj i kanë vënë flakën qëllimisht pyllit me pisha në malin Partizan në Berat. Gazetarja e Report Tv, Mimoza Sinanaj ka arritur të sigurojë videon nga momenti kur duken dy të rinjtë që shkojnë me motor në zonë dhe i vënë flakën zonës, e më pas largohen të qetë.

Më të hidhur e bën këtë situatë fakti që zjarri ndizet nga dy të rinj pikërisht në tabelën ku shkruhet ‘Mbroni pyjet’. Vatra e zjarrit u ndez pranë biznesit "Kastel Park", ku flakët e ndihmuara nga era janë përhapur me shpejtësi duke vënë në rrezik bizneset.

Ka qenë vetë pronari i "Kastel Park" i cili ka lajmëruar repartin e zjarrfikësve, të cilët kanë arritur të shuajnë në kohë flakët, duke vënë në gatishmëri të gjitha kapacitetet njerëzore dhe teknike, rreth 20 punonjës dhe 4 mjete zjarrfikëse.

Pas pak ndërhyrjes, u bë e mundur fikja e zjarrit, ku për pasojë u dogjën rreth 50 m2 shkurre, ferra dhe u përshkua nga zjarri rrethe 20 rrënje pisha.

Rendit zhvillimet sipas orarit:
Ora 18:48
Report Tv sjell videon nga momenti kur dy të rinjtë i vënë zjarrin pishave në malin Partizan

Report Tv sjell video-n nga momenti kur dy të rinjtë i vënë zjarrin pishave në malin Partizan. Siç shihet nga video, dy të rinjtë vijnë me motor, i vënë zjarrin pishave dhe më pas largohen të qetë. Më të hidhur e bën këtë situatë fakti që zjarri ndizet nga dy të rinj pikërisht në tabelën ku shkruhet ‘Mbroni pyjet’.

SI.E./Shqiptarja.com