Paketa e re fiskale për vitin 2023 u prezantua në Komisionin e Ekonomisë dhe Financave nga ministrja Delina Ibrahimaj. Sipas ministres, në paketën fiskale kemi ndryshime në ligjin për tatimin mbi të ardhurat, ligji për TVSH, për procedurat tatimore dhe për akcizat, por që nuk janë ndërhyrje të forta dhe janë reflektim i sugjerimeve të qytetarëve përmes Këshillimit Kombëtar dhe grupeve të interesit.
“188 kërkesa nga grupet e interesit, janë zgjidhur dhe reflektuar 70%. Kemi korrektuar ato politika fiskale që nuk kanë funksionuar. 625.7 mld lekë do të mblidhen në buxhet gjatë vitit 2023. 587.8 mld të ardhurat tatimore. Të ardhurat nga tatimet dhe doganat, 430.2 mld lekë, ose 126 mld lekë nga kontributet. 7.7 përqind do të rriten të ardhurat tatimore në buxhet. Ndërsa të ardhurat tatimore e doganore me 8 % ose 42.2 mld lekë. Totali i të ardhurave shkon në 28.8 % të GDP. GDP, do të rritet me 0.6 %. 27 % do të zënë të ardhurat tatimore të GDP”, tha Ibrahimaj.
Duke folur në mënyrë të detajuar për projektligjet e paketës fiskale; tatimi mbi të ardhurat, ligji për akzicën dhe përjashtimi nga TVSH për 2023 për disa produkte që përdoren për ngrohje, ministrja Ibrahimaj argumentoi se vetëm nga taksimi i profesioneve të lira, buxheti i shtetit do të përfitojë rreth 2 mld lekë. Ministria Ibrahimaj shtoi se ashpërsimi i gjobave përmes ndryshimit të ligjit për procedurat tatimore, synon të penalizojë ata punëdhënës që mbajnë punonjës të padeklaruar apo nuk deklarojnë pagat reale.
“Nuk ka si qëllim ashpërsimin e gjobave projektligji për procedurat tatimore, por për ata që përsërisin. Ata që nuk delarojnë punonjësit dhe fshehin pagën reale, dyfishim i gjobës ekzistuese. Rritja e gjobës për tatimpaguesit e medhenj që shoqërojnë mallin pa faturë, i padeklaruar ose kontrabandë. Nëse është përsëritëës i shkeljes, do të bëhet padi penale menjeherë, pra nuk bëhet menjëherë”, tha Ibrahimaj.
Por deputeti i mazhorancës Erjon Braçe kërkoi sqarime të detajuara për strategjinë e të ardhurave, se kush janë ata që përfitojnë, ndërsa tërhoqi vëmendjen që pas një viti që ka hyrë në fuqi, në projektbuxhet nuk ka asnjë analizë për fiskalizimin.
“Presioni bie mbi biznesin e madh, por biznesi i vogël përkundrejkt biznesit të madh për mall pa faturë po kërkon gjithmonë e më shumë mall pa faturë. E kemi në referencë me fiskalizimin.
Tatimi mbi të ardhurat si proces diskutimi të gjerë ka kaluar. Dua të di ku jeni mbështetur dhe kë keni marrë si model. Përafrimi me BE, si është bërë dhe si i keni bërë llogaritë me hyrjen ne fuqi të ligjit të ri për tatimin mbi të adhurat kapitale 8 % edhe në vijim, është e papranueshme, ndërsa ne fusim në shkallë progressive, nga rrogëtarët deri tek profesionet e lira. Dhe të mbajmë të ardhurat kapitale me 8%. Dua të shoh si e keni bërë këtë. Është tatimi më i rëndësishëm për mua”, tha Braçe.
Sa i takon përfaqësuesve të opozitës, që në fillim të mbledhjes deputetët Jorida Tabaku dhe Edmond Spaho, kërkuan shtyrjen e mbledhjes, pasi paketa fiskale është e paplotë dhe po veprohet në kundërshtim me ligjin.
“Nuk kemi të plotë paketën fiskale. Kanë ardhur vetëm 3 ligje të saj. Mungojnë 3 ligje të tjera. Nuk ka ndodhur asnjëherë që kur diskutohet projektbuxheti në komision, qeveria në të njëjtën miraton paketën fiskale. Na keni sjellë dokumenta që nuk ekzistojnë, nuk mund ta pranoj të na merrni për budallenj”, tha Tabaku.
Komente
Lajme të tjera
-
Goditja e korrupsionit me tenderët, koncensionet dhe investimet strategjike! Çfarë thonë ekspertët e Komisionit të Posaçëm
10 Dhjetor, 20:53 -
Partia e Lirisë kërkon shtimin e mbi 45 mld lekëve për Buxhetin 2025! Xhixho: Depozituam 11 amendamente në Kuvend, buxheti i Ramës për oligarkët
28 Nëntor, 18:27 -
Buxheti 2025 drejt Parlamentit! Para shtesë për 21 institucione, shtohen shpenzimet me 23 mln euro! KQZ-së i japin 690 mln lekë shtesë për zgjedhje
27 Nëntor, 17:10
-
Buxheti 2025/ Shehi kërkon rritjen e pensioneve te Ekonomia: Le të rritet borxhi me 0,4%, pse medalje nga FMN do marrim?!
20 Nëntor, 17:27 -
Komisioni Ekonomisë ‘pro’ pr/buxhetit 2025! PD voton kundër! Tabaku: Nuk parashikohen fondet për pensionet! Braçe: Të rritet buxheti për sigurinë kibernetike
15 Nëntor, 11:36
-
Komisioni i Ekonomisë/ Denaj për buxhetin 2025: Rrisim mbështetjen me subvencione të skemës për produktet, 4% më shumë buxhet nga viti i kaluar
13 Nëntor, 14:51 -
Ekonomia/ Koçiu për buxhetin e Shëndetësisë: Hera e parë që kalon 1 mld euro, rimbursim ilaçesh për 400 mijë qytetarë, dëmshpërblim ish të përndjekurve dhe bonus bebesh
12 Nëntor, 13:13 -
Ekonomia dhe Financat/ Manastirliu për buxhetin: 3800 bursa për nxënësit, 80 laboratorë të rinj, 850 punonjës psikosocialë dhe transport për fëmijë dhe mësues
12 Nëntor, 11:04 -
Komisioni i Shëndetësisë/ Ministrja Ibrahimaj: Ja pse janë të nevojshme ndryshimet në ligjin për Inspektoriatet! S’do ketë emërime politike, përzgjedhje dhe ndëshkime me Komisione
9 Shtator, 11:57 -
Zgjidhet kryesia e re e PS-së, EMRAT që la jashtë Edi Rama, dhe kë fuqizoi! Ikën Beqaj, Xhaçka, Bushati e Subashi! VOTAT që morën anëtarët e rinj! Erion Braçe i pari
8 Shtator, 12:55 -
'Amnistohet' shkelja e parë e bizneseve, vetëm këshillim nga inspektorët jo gjobë! Ministrja: Kontrolle vetëm mbi bazë risku, ligji i vjetër ka lejuar abuzime
3 Shtator, 17:22
-
'Amnistohet' shkelja e parë e bizneseve, vetëm këshillim nga inspektorët jo gjobë! Ministrja: Kontrolle vetëm mbi bazë risku, ligji i vjetër ka lejuar abuzime
3 Shtator, 17:16
Askush sdo ngelet në Shqipëri pa merak...
Përgjigju