POP 5

Lajmet më të lexuara të 5 minutave të fundit

Arkiva

Idrizi takime me Ramën
e Metën, por pa rezultate

Në datën 15 shkurt të vitit 2014 kreu i PDIU-së, Shpëtim Idrizi zhvilloi një takim me kryeministrin e vendit Edi Rama, te vila 31 pranë Kryesisë së Kuvendit. I pranishëm në këtë takim ka qenë edhe Kryetari i Kuvendit Ilir Meta ku të tre krerët e partive respektive kanë qëndruar për rreth një orë duke diskutuar. 
Idrizi takime me Ramën<br />e Metën, por pa rezultate
TIRANE- Në datën 15 shkurt të vitit 2014 kreu i PDIU-së, Shpëtim Idrizi zhvilloi një takim me kryeministrin e vendit Edi Rama, te vila 31 pranë Kryesisë së Kuvendit. I pranishëm në këtë takim ka qenë edhe Kryetari i Kuvendit Ilir Meta ku të tre krerët e partive respektive kanë qëndruar për rreth një orë duke diskutuar.

Ky takim i Ramës e Metës me Idrizin u bë në atë kohë për të vendosur një bashkëpunim të mundshëm ndërmjet tyre përsa i përket miratimit të reformës territoriale. Kjo pasi në atë kohë, Komisioni për Reformën Territoriale kishte ende klauzolën se pa praninë e opozitës nuk mund të zhvilloheshin mbledhjet pasi nuk kishte kuorum. Pavarësisht se në atë kohë u mendua se ndërmjet Idrizit, Ramës e Metës ishte arritur një marrëveshje, ajo mbet e pezull. Edhe pas atij takimi, Meta ka zhvilluar një delegacion zyrtar në Danimarkë ku me vete kishte edhe Shpëtim Idrizin.

Krahas Danimarkës, Idrizi ishte me Metën edhe në vizitën në Kosovë ku tentativat për një bashkëpunim të mundshëm ndërmjet tyre nuk kanë munguar. Gjithsesi deri më tani nuk ka një qëndrim zyrtarë nëse çamët do të bashkohen me mazhorancën përsa i përket miratimit të reformës territoriale.

Shkrimi u përditësua në 25 maj 2014
(d.a/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51