Rreth 206 kg lëndë narkotike e llojit marijuanë janë sekuestuar nga policia greke pranë kufirit me Shqipërinë.

Një operacion i policisë greke i zhvilluar në Filat të Igumenicës, çoi në zbulimin e lëndës narkotike.

Marijuana po transportohej me një automjet dhe ishte e ndarë në 63 pako, ndërsa një tjetër makinë kontrollonte rrugën.

Në prangat e policisë kanë rënë dy shtetas grekë të moshës 23 dhe 27 vjeç dhe një shqiptar 23 vjeç.

Operacioni i policisë greke vijon për zbulimin e mëtejshëm të rrjetit kriminal.

 
Redaksia Online
l.q/Shqiptarja.com