POP 5

Lajmet më të lexuara të 5 minutave të fundit

Bota

Ilaçi Merck kundër COVID, ekspertët thirrje Administratës së Barnave në SHBA: Autorizo përdorimin

Një komision ekspertësh këshilltarë të Administratës së Ushqimit dhe Barnave (FDA) të Shteteve të Bashkuara i rekomanduan me rezultat të ngushtë agjencisë që të autorizojë ilaçin antiviral të kompanisë Merck për trajtimin e COVID-19.

Ilaçi Merck kundër COVID, ekspertët thirrje Administratës së Barnave në SHBA: Autorizo përdorimin

Një komision ekspertësh këshilltarë të Administratës së Ushqimit dhe Barnave (FDA) të Shteteve të Bashkuara i rekomanduan me rezultat të ngushtë agjencisë që të autorizojë ilaçin antiviral të kompanisë Merck për trajtimin e COVID-19.

Kompania amerikane e prodhimit të barnave publikuan javën e kaluar të dhëna sipas së cilave se ilaçi ishte në masë të konsiderueshme më pak efektiv sesa mendohej më parë, duke reduktuar me rreth 30% shtrimet në spital dhe vdekjet në provën klinike të individëve me rrezik të lartë.

Gjithsesi, ilaçet si molnupiraviri i kompanisë Merck, i zhvilluar me firmën Ridgeback Biotherapeutics, ka të ngjarë të bëhen terapi të rëndësishme që njerëzit do të mund t'i përdorin në shtëpi sapo të shfaqen simptomat e COVID-19.

Një ilaç i ngjashëm i zhvilluar nga Pfizer Inc, i quajtur Paxlovid, është veçanërisht premtues, pasi ka treguar një reduktim prej 89% të rasteve të shtrimeve në spital dhe vdekjeve në provën klinike. FDA mund ta marrë në shqyrtim atë ilaç brenda disa muajsh.

Komisioni Këshillimor votoi 13-10 për t’i rekomanduar agjencisë që të autorizojë ilaçin pasi diskutoi mbi shqetësimet se ilaçi mund të shkaktojë mutacion të virusit, si dhe shqetësime të sigurisë në lidhje me gjasat për defekte në lindje. Shkencëtarët e personelit të FDA-së dhe kompanisë Merck kanë sugjeruar që ilaçi të mos rekomandohet gjatë shtatzënisë.

Votimi vjen pasi frika rreth variantit të ri Omicron ka tronditur tregjet financiare dhe ka shkaktuar shqetësime për forcën e rimëkëmbjes ekonomike globale ndërsa bota vazhdon të luftojë pandeminë e koronavirusit.

Terapitë antivirale godasin pjesë të virusit që nuk ndryshojnë nga mutacionet në variantin Omicron. Ato mund të bëhen edhe më jetike nëse imuniteti i shkaktuar nga vaksina dhe ai natyror rrezikohen nga varianti./ VOA

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46