TIRANE - Inspektorati i Lartë i Deklarimit dhe Kontrollit të Interesave ka depozituar në prokurori kallëzim penal për 20 subjekte të cilat nuk kanë respektuar ligjin për deklarimin e pasurisë.

Mes personave të kallëzuar janë pesë kryetar komunash, 7 inspektor të Drejtorisë së Përgjithshme të tatimeve, një kancelar gjykate, dy inspektor të doganave, një drejtor i ministrisë së transportit dhe infrastrukturës.

Në njoftimin zyrtar të ILDKP bie në sy fakti se mes të kallëzuarve është edhe ish kryetari i komunës Berzhit Genci Drita, i cili aktualisht ndodhet nën hetim nga prokuroria e krimeve të rënda për akuzën e korrupsionit gjatë kohës që ka ushtruar detyrën e tij si funksionar në krye të saj.

Drita është i vetmi zyrtar i cili po hetohet nga Krimet e Rënda që pas kalimit të veprës penale të korrupsionit në këtë strukturë hetimi.

ILDKP shprehet se për të 20 subjektet para kallëzimit ka aplikuar një gjobë që varion nga 50 deri në 100 mijë lekë.

ILKDP ka depozituar kallëzim për subjektet e mëposhtëm:

- Adriatik Kaloshi, për funksionin Doganier, Drejtoria e Përgjithshme e Doganave;

- Besnik Bishanaku, për funksionin Doganier, Drejtoria e Përgjithshme e Doganave;

- Adela Abazi, për funksionin Drejtor, Ministria e Punëve të Brendshme;

- Ermal Topalli, për funksionin Drejtor, Ministria e Transportit dhe Infrastrukturës;

- Dritan Manaj, për funksionin Kryetar i Degës së Shoqërive Publike, Ministria e Zhvillimit Ekonomik, Tregtisë  dhe Sipërmarrjes;

- Xhevahir Bilja, për funksionin Kryetar i Komunës Cudhi;

- Ahmet Dede, për funksionin Kryetar i Komunës Ujmisht;

- Gjovalin Gjoni, për funksionin Kryetar i Komunës Ungrej;

- Gani Allushi, për funksionin Kryetar i Komunës Zall-Herr;

- Genc Drita, për funksionin Kryetar i Komunës Bërzhitë;

- Rexhep Derveni, për funksionin Kancelar, Prokuroria e Rrethit Gjyqësor Krujë;

- Leonard Mene, për funksionin Përgjegjës Sektori, Drejtoria e Përgjithshme e Doganave;

- Jonito Selimaj, për funksionin Inspektor, Drejtoria e Përgjithshme e Tatimeve;

- Haxhi Dybeli, për funksionin Inspektor, Drejtoria e Përgjithshme e Tatimeve;

- Hasan Zane, për funksionin Doganier, Drejtoria e Përgjithshme e Doganave;

- Gertian Rushi, për funksionin Përgjegjës Sektor, Drejtoria e Përgjithshme e Tatimeve;

- Blendi Seferi, për funksionin Inspektor, Drejtoria e Përgjithshme e Tatimeve;

- Anila Haxhiu, për funksionin Drejtuese, Zyra e Regjistrimit të Pasurive të Paluajtshme Fier;

- Aleksandër Qafa, për funksionin Inspektor, Drejtoria e Përgjithshme e Tatimeve.

- Hristo Çavo, Doganier, Drejtora e Përgjithshme e Doganave.

Redaksia online
(f.m/shqiptarja.com)