POP 5

Lajmet më të lexuara të 5 minutave të fundit

Politikë

Ina Zhupa takon fermerët në Konispol: Bashkia na ka braktisur! Na mashtrojnë vetëm për vota

Deputetja e Partisë Demokratike Ina Zhupa ka zhvilluar një takim me fermerët në Konispol. Zhupa u njoh nga afër me shqetësimet e tyre dhe sipas saj qeveria nuk ka investuar ndonëse BE ka akorduar miliona euro fonde

Ina Zhupa takon fermerët në Konispol: Bashkia na ka braktisur! Na mashtrojnë vetëm për vota

Deputetja e PD-së Ina Zhupa

SARANDË- Deputetja e Partisë Demokratike Ina Zhupa ka zhvilluar një takim me fermerët në Konispol. Zhupa u njoh nga afër me shqetësimet e tyre dhe sipas saj qeveria nuk ka investuar ndonëse BE ka akorduar miliona euro fonde.

‘Për pjesën tonë si fermerë, sepse ne qëkur i kemi mbjellë e deri më tani vetëm me shpatullat tona, asnjë ndihmë nga qeveria, asnjë subvencion. I plotësova të gjitha dokumentat, 1 milionë e 300 mijë lekë edhe nuk mora as edhe 1 qind lekë’, tha një fermer.

Sipas Zhupës, shqetësim për fermerët është bërë edhe Bashkia Konispol, e cila sipas tyre i ka mashtruar vetëm për vota. Mungesa e fuqisë punëtore është një tjetër shqetësim për ta.

"Me punëtorët këtë vit kemi shumë problem, sepse nuk ka punëtorë. Ka krizë të madhe punëtorësh, ka tërheqje, por nuk vijnë punëtorët. Kjo tregon se njerëzit ikin, nga varfëria kanë ikur njerëzit", tha një tjetër fermer.

Fermerët shprehën shqetësim se Fondet e akorduara nga BE për bujqësinë po shpërndahen vetëm për miqtë e qeverisë.

"Kam marrë një takim me Ministren e Bujqësisë, kam shkuar ia kam çuar dokumentet atje dhe nuk m’i pranoi. I thashë: Dëgjo, atje ka nevojë që të investohet. Jo më tha. Prandaj nqs nuk do që të ma japësh mua, jepja një tjetri që të investojë tjetri" u shpreh një tjetër fermer.

"Dua që të shtoj diçka për lekët që vijnë nga BE-ja. Këtu këto mjetet bujqësore merren nga armiku, sepse kam aplikuar dy-tri herë për të marrë zetorin dhe njëkohësisht e kam humbur besimin edhe arrij e blej me lekë nga xhepi. Përse të mos përfitoja dhe unë siç kanë përfituar 5 miqtë e këtyre?! Çfarë duhet që të bëjmë ne më tepër? Kështu duhet të vazhdojë Shqipëria, me këtë ritëm? Kjo nuk është rruga e duhur!", tha një tjetër.

"Tani në Konispol, zero investim, pra këta na gënjejnë, nxjerr ca njerëz këtu ai për fushatë. Jo do bëjmë projekt, ku do ta vendosim çik atë stacionin. Pra, të mashtrojnë sy për sy. Zero për Bashkinë Konispol, që mund të ishte vendosur energji që të punojmë. Është bazike është 2023-shi. Duhet që shteti të mos jetë armik, të jetë partner. Se duke ardhur grupet e interesit dëgjohet më mirë, edhe nga mediat që mund ta transmetojnë ndryshe propagandën, por bën edhe lloj njohjeje për problematikat tuaja edhe më gjerë. Se ndoshta në Tiranë juve ju mendojnë si ato oligarkët e mëdhenj që keni plantacione pafund dhe rrini dhe shikoni mandarinat. Ndërkohë që ju futeni vetë në punë, i keni duart me kallo nga puna, e keni bërë çdo shpenzim vetë edhe shkoni deri tek energjia elektrike që është detyrim i shtetit, uji që është detyrim i bashkisë, rrugët, çdo gjë e keni bërë vetë. I dilni zot  punimit tuaj, nuk ju japin asnjë lloj sumbvencioni për mbjelljen apo për prodhimin që ju keni. Edhe naftë ua jain vende-vende, kujt me preferencë,’ tha një tjetë fermer.

Deputeta Ina Zhupa theksoi se ndërkohë që fermerët përballen me shumë probleme, qeveria i ka dhënë për fermë vetëm administratorit të Inceneratorit të Tiranës, 250 mijë euro.

"Në Sharrë, ku është inceneratori, meqë është fushë ai e kishte regjistruar si fermë. As ka mbjellë, as ka bërë gjë, por lekët e BE-së që mund t’i merrnit ju, i ka marrë ai. 250 mijë euro me fakte dhe me prova, dhe as nuk skuqen dhe as nuk zverdhen, lëre më t’i preket ligji, apo të vihet drejtësi. Kështu që, unë mendoj që të gjitha problemet tuaja unë do t’i ngre në Parlament në çdo moment. Do bëjmë gjithçka. Zgjedhjet bashkiake janë afër, dhe duke filluar pas 4 dhjetorit fillon edhe fushata pasi caktohen edhe kandidatët. Duke zgjedhur njerëzit që i njohin problemet tuaja, që jetojnë me problemet tuaja, që ia dinë punës, ia dinë menaxhimit do ndryshojë dhe bashkia. Se nuk mundet, se nqs Andri, qoftë Fatmiri që t’ua kthejnë kurrizin që të bëjnë sikur nuk ua dinë hallet, se janë vetë që merren me këtë gjë dhe jetojnë me përditshmërinë tuaj", tha deputetja e PD Ina Zhupa.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • turi: 05/12/2022 00:35

    bllokoni rrugen,,,,qe te zgjidhen problemet e juaja....

    Përgjigju
  • Ben: 03/12/2022 14:54

    Kur eshte deputete edhe kjo laraska e berë pendë verdhë,vaj medet.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

Kazakistan/ Avioni me 67 persona në bord dyshohet se u godit nga rusët, vetëm 28 mbijetuan

26 Dhjetor, 07:25