Deputeti i Partisë Demokratike Belind Këlliçi në një deklaratë për mediat ka publikuar një pyetësor për inceneratorët, të cilat i cilëson si mega aferë korruptive të qeverisë. Këlliçi thotë se Rama ështe kapur duke ndarë paratë me Ahmetajn, Veliajn, Zoton dhe Gugallen e zyrtarë të tjerë. Këlliçi thotë se Rama dhe ministrja e Energjisë e Infrastukturës Belinda Balluuku reaguan ditën e djeshme, pasi opozita denoncoi derdhjen në kontot e të kërkuarve Zoto e Gugallja të 1.4 miliard lekëve.

Teksa ngre pesë pyetje për SPAK dhe kontratën Këlliçi pyet se pse SPAK nuk sekuestron produktin e veprimtarisë kriminale?

‘Kemi 5 pyetje te thjeshta sot: 1. Pse SPAK nuk sekuestron produktin e veprimtarisë kriminale? 

2. Pse Ministria e Energjetikës nuk vepron me zgjidhjen e kontratës për mospërmbushje detyrimi… sepse nuk funksionon inceneratori (në kontratë duhet të ishte në punë qysh para 2 vitesh!)? 

3. Kush e hartoi kontratën me detyrim të pagesave të kësteve, pavarësisht fillimit apo vazhdimit të punimeve?!

4. Me që Ministria e Energjetikës qenka e detyruar nga kontrata të vazhdojë me mbështetjen financiare, përse, po në bazë të kontratës, nuk e konsideron ‘kërkimin ndërkombëtar’ për dyshen Zoto-Gugallja si braktisje nga kontraktori?! 

5. Përse nuk e zgjidh kontratën me kontraktorin Ministria për mospërmbushje të kushteve thelbësore dhe mbivendosjen e veprave penale në këtë procedurë e kontratë?!

Këto jane pyetje shumë të thjeshta për shqiptarët, por shuuumë të vështira për drejtësinë e kapur nga Rama.’- u shpreh Këlliçi.