POP 5

Lajmet më të lexuara të 5 minutave të fundit

Media

Incidenti/ Federata Europiane e
Gazetarëve në mbrojtje të Shehut

Federata Europiane e Gazetarëve (EFJ) i është bashkuar reagimit të Shoqatës së Gazetarëve Profesionistë dhe Unionit të Gazetarëve, të cilat dënojnë aktin e paprecedentë të dhunës së ushtruar ndaj gazetarit të ABC News, Eni Shehu, i cili mbrëmjen e së premtes, gjatë provave gjenerale të shafqjes " Tri Motrat", në Teatrin Kombëtar është nxjerrë forcërisht nga salla, nga drejtori i teatrit dhe njëherësh regjizoi i shfaqjes në fjalë, Hervin Çuli.
Federata Europiane e Gazetarëve (EFJ) i është bashkuar reagimit të Shoqatës së Gazetarëve Profesionistë dhe Unionit të Gazetarëve, të cilat dënojnë aktin e paprecedentë të dhunës së ushtruar ndaj gazetarit të ABC News, Eni Shehu, i cili mbrëmjen e së premtes, gjatë provave gjenerale të shafqjes " Tri Motrat", në Teatrin Kombëtar është nxjerrë forcërisht nga salla, nga drejtori i teatrit dhe njëherësh regjizoi i shfaqjes në fjalë, Hervin Çuli.

Në një njoftim për mediat, Federata Europiane e Gazetarëve, deklaron se rastin e paprecedentë të gazetarit Shehu, do ta  raportojë në platformën e mbrojtjes dhe sigurisë së gazetarëve në Këshillin e Europës.

Pas incidentit, reaguan dhe 4 organizatat e gazetarëve në vend, Lidhja e Gazetareve të Shqipërisë, Unioni i Gazetarëve, Shoqata e Mediave Elektronike
e Shoqata e Gazetarëve Profesionistë, të cilat njëzëri kërkojnë shkarkimin e drejtorit të Teatrit Kombëtar, duke e konsideruar të patolerueshme dhunën ndaj gazetarëve.

"Ndonëse kanë kaluar tre ditë, ministria e Kulturës nuk ka bërë asnjë përpjekje për të analizuar këtë ngjarje të rëndë, madje në një sfidë të hapur me lirinë e medias, deklaroi se mbështet qëndrimin e Teatrit Kombëtar. Ne e konsiderojmë të patolerueshme dhunën ndaj gazetarëve, aq më tepër kur ajo ushtrohet nga individë me funksione publike dhe që paguhen nga taksat e qytetarëve. Për këtë arsye i kërkojmë ministres së Kulturës shkarkimin e menjëhershëm të drejtorit të Teatrit Kombëtar, si shenjë reflektimi ndaj një akti ta papranueshëm për një shoqëri të civilizuar," thuhet në deklaratën e përbashkët.

Më tej, ata shprehen se nëse ministria nuk do të reagojë përsëri dhe do të përpiqet të justifikojë aktin e shëmtuar, do të përshkallëzojnë protestën duke u kërkuar mediave të refuzojnë pasqyrimin e çdo aktiviteti të ministrisë së Kulturës.

Redaksia Online
(u.s/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Mira Murati krijon startupin e saj me Inteligjencë Artificiale! Rekruton emra të njohur nga OpenAI

Mira Murati krijon startupin e saj me Inteligjencë Artificiale! Rekruton emra të njohur nga OpenAI

17 Janar, 14:39