Indeksimi i barnave kursen 7.5 mln dollarë, Manastirliu: Do të përdoren për skemën e rimbursimit

“Vendimi i Qeverisë për indeksimin e çmimeve për barnat e listës së rimbursueshme do të ketë një efekt kursimi të fondeve buxhetore, prej 7.5 mln dollarë, të cilat do të përdoren për zgjerimin e listës së barnave falas”. Deklarata u bë nga Ministrja e Shëndetësisë dhe Mbrojtjes Sociale, Ogerta Manastirliu.

Duke e konsideruar këtë vendim, një hap përpara drejt mbulimit universal, Manastirliu tha se do të rritet numri i qytetarëve, të siguruar apo të pasiguruar, fëmijë apo të moshuar, persona me aftësi të kufizuar apo në ndihmë ekonomike, që do të trajtohen falas nga skema e rimbursimit të barnave.

Sipas Ministres Manastirliu, në sajë të politikave të qeverisë për mbulimin universal, përfitojnë barnat e rimbursueshme pa pagesë 498 mijë qytetarë, përfshirë edhe të pasiguruarit.
“24 mln dollarë në vit i kursyem qytetarëve të pasiguruar që deri dje paguanin nga xhepi për t’u trajtuar me barna për sëmundjet kronike”, u shpreh Ministrja e Shëndetësisë.

LEXO EDHE:
Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Manastirliu theksoi gjithashtu se, do të rriten përfitimet nga skema e rimbursimit për qytetarët, nëpërmjet marrëveshjeve të reja për zgjerimin e mbulimit me barna. “Siç realizuam për herë të parë mbulimin 100% për trajtimin falas me Herceptinë për gratë me tumor të gjirit nëpërmjet marrëveshjeve të posatshme, do të vijojmë edhe këtë vit në listën e re të barnave për vitin 2019 realizimin e marrëveshjeve të reja të posaçme, për të siguruar një mbulim më të gjerë për sëmundjeve kronike dhe tumorale”, tha Manastirliu.
 
Vendimi i miratuar dje nga qeveria, hyn në fuqi në 1 Mars 2019. Për të siguruar ofrimin në kohë dhe me cilësi të shërbimit ndaj qytetarëve, janë njoftuar në kohë – për marrjen e të gjitha masave të nevojshme, për reflektimin e çmimeve të reja të barnave, të gjitha subjektet farmaceutike, që kanë kontratë me Fondin e Sigurimit të Detyrueshëm të Kujdesit Shëndetësor.

TAG:
• Ogerta Manastirliu

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1492

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq