NJU DEHLI- Aktivistë dhe fermerë në Indi organizuan një protestë në Nju Delhi për të kërkuar largimin e kompanive që prodhojnë ushqime të ndryshuara gjenetikisht.
 
Qindra fermerë kishin ardhur nga 20 krahina të ndryshme të vendit. Ata shprehën kundërshtimin e tyre pasi qeveria federale ka propozuar që të miratojë për të krijuar një trup të ri rregullator për të siguruar ushqime të modifikuara gjenetikisht.
 
Aktivistët e produkteve biologjike thanë se disa kompani të tilla kanë kërcënuar mirëqenien e fermerëve.
 
Aktivistët thanë se perimet e modifikuara si për shembull patëllxhanët, mund të jenë një rrezik për mjedisin dhe shëndetin publik.
 
Bioteknologjia moderne përdoret për të përmirësuar bimët, kafshët dhe mikroorganizmat për prodhimin e ushqimeve.

Redaksia Online
(l.ç/e.s/shqiptarja.com)