Indi, vrau 160 persona në metro
ekzekutohet agresori i sulmeve

Indi, vrau 160 persona në metro <br />ekzekutohet agresori i sulmeve
INDI - Mohammed Ajmal Qasab, i vetmi militant i mbijetuar i grupit terrorist përgjegjës për sulmet e Mumbait më 26 nëntor të 2008-s është ekzekutuar. Ai ishte anëtar i grupit militant pakistanez, Lashkar-e-Taiba. Lajmi konfirmohet nga ministri i Brendshëm i Indisë, Sushil Kumar Shinde.

Qasab kishte tmerruar së bashku me një tjetër bashkëpuntor duke qëlluar në stacionin qendror të metrosë së qytetit duke vrarë 60 njerëz. Gjithashtu, edhe në disa hotele luksoze dhe në një qendër kulturore hebraike mbetën të vrarë më shumë se 100 dhe u plagosën më shumë se 300 persona.

“Të gjithë oficerët policorë dhe stafi që humbën jetën e tyre në luftë kundër terroristëve, sot kanë marrë drejtësinë e duhur”, tha minsitri i brendshem indian.

Qasab u dënua me vdekje në gushtin e kaluar nga Gjykata e Lartë indiane. Ai kishte kërkuar edhe faljen e dënimit nga presidenti Indian Pranab Mukherjee 5 nëntorin e kaluar, kërkesë që iu refuzua.

Marrëdhëniet diplomatike u trazuan kur India fajësoi Pakistanin për sulmet e kryera nga grupi terrorist Lashkar-e-Taiba me bazë në Pakistan.

Pas mohimeve të para, Pakistani pranoi se sulmi ishte planifikuar pjesërisht në territorin e saj dhe që Qasab ishte një qytetar pakistanez. Lidhjet janë përmirësuar gradualisht që nga atëherë.

Ekzekutimi i Qasab-it vjen pas dënimit të parë me vdekje në Indi të një personi që u var në qytetin lindor të Kalkutës në vitin 2004 i dënuar për përdhunimin dhe vrasjen e një nxënëse.

(lc/shqiptarja.com)

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Atentat avokatit në Memaliaj, i shpëton breshërisë së kallashnikovit!

Atentat avokatit në Memaliaj, i shpëton breshërisë së kallashnikovit!