Indonezia i paguan Turqisë 300 milionë dollarë për të blerë 12 dronë

Turqia vazhdon të shkëlqejë me shitjen dronëve të saj. Pas Kosovës është Indonezia që ka blerë 12 dronë të rinj nga kompania Turkish Aerospace.

Ministria e Mbrojtjes e Indonezisë se dronët janë blerë me vlerë 300 milionë dollarë, dhe se kjo blerje është e fundit në një seri blerjesh që synojnë modernizimin e pajisjeve ushtarake të vjetra të vendit.

Marrëveshja vjen pasi presidenti indonezian Joko Widodo paralajmëroi kabinetin e tij në korrik që të shfrytëzojnë buxhetin në mënyrë “të shëndetshme" teksa nënvizoi shpenzimet e mëdha nga agjencitë e sigurisë të vendit, duke përfshirë ministrinë e mbrojtjes.

Në janar, Ministri i Mbrojtjes, Prabowo Subianto, nënshkroi një marrëveshje prej 800 milionë dollarësh, për të blerë 12 avionë luftarakë Mirage 2000-5, blerje e cila u kritikua pasi avionët francezë konsideroheshin shumë të vjetër.

Ndërsa në shkurt u blenë po nga Indonezia 42 avionë luftarakë Rafale për 8.1 miliardë dollarë, të cilët do të disbursohen në faza gjatë disa viteve.

Marrëveshja me Turkish Aerospace me bazë në Anakara, u finalizua në shkurt dhe dronët pritet të dorëzohen brenda 32 muajve nga nënshkrimi. Marrëveshja përfshin gjithashtu trajnime dhe simulatorë fluturimi, tha ministria e mbrojtjes në një deklaratë, citon Reuters.

Ndërkohë në korrik Kosova njoftoi se bleu dronë Bayraktar nga Turqia por nuk dha shifrën e saktë të tyre dhe as sa ishin paguar për këtë dron.

S.G/Shqiptarja.com

TAG:
• Indonezi
• turqi
• dronë