‘Infermierë për Shqipërinë’, fituesit e fazës së dytë përzgjedhin 21 vendet e punës në Gjirokastër

Fituesit e fazës së dytë që konkuruan nëpërmjet portalit “Infermierë për Shqipërinë” përzgjodhën sipas renditjes së pikëve, vendet e lira të punës në qendrat shëndetësore dhe spitalet publike.

Pas Tiranës dhe Fierit, kandidatët që u shpallën fitues përzgjedhon sipas pikëve të marra në dy fazat e konkurimit, 21 vende vakante të krijuara për infermierë dhe profesionistë të shkencave mjekësore teknike në qarkun e Gjirokastrës. 

Fituesit u listuan sipas pikëve, ku përveç fituesve nga konkursi i fundit, janë përfshirë edhe fituesit e dalë nga testimi i parë por që deri tani nuk kishin përzgjedhur vendet e punës ekzistuese. Fituesit janë pozicionuar sipas pikëve që kanë marrë, duke përzgjedhur të parët vendin e punës, ata që kanë numrin më të madh të pikëve, sipas renditjes. 

LEXO EDHE:
Spitali i Gjirokastrës fluks pacientësh nga alergjitë e stinës! Mjekja: Mos neglizhoni, kalon në astmë bronikale

Procesi i testimit të kandidatëve në platformën “Infermierë për Shqipërinë” ka qenë një proces transparent në të gjitha fazat e tij, që nga regjistrimi, testimi, procesi i ankimimit, deri në shpalljen e listës përfundimtare të fituesve dhe përzgjedhjes së vendeve të reja të punës me bazë merite, në bazë të pikëve të marra nga secili kandidat nga të gjitha fazat e konkurimit.

Deri tani, me portalin “Infermierë për Shqipërinë” janë punësuar 592 infermierë dhe profesionistë të shkencave mjekësore teknike në spitalet dhe qendrat shëndetësore publike.

TAG:
• Gjirokaster
• fitues
• infermiere per shqiperine

Sondazhi i ditës:

A ka politika frikë nga SPAK-u?

• Po

  68.6%

• Jo

  26.4%

• Nuk e di

  4.9%

Vota total: 3562

• Sondazhi i ditës:

  A ka politika frikë nga SPAK-u?

  Po Jo Nuk e di