TIRANË- Infermierja shqiptare në Hamburg, Dasantina Çerpja ka shpjeguar në një lidhje me Skype për Report Tv protokollin gjerman për trajtimin e të prekurve me COVID-19. Duke theksuar se nuk ka një kurë fikse në asnjë vend të botës, Çerpja tha se e rëndësishme është trajtimi i simptomave, që do të thotë për temperaturën e lartë jepen ilaçe që ndihmojnë për ta ulur, njëjtë edhe për kollën, e ndërsa nëse ka pacientë që kanë vështirësi frymëmarrje atëherë ato intubohen.
" Nuk kemi një protokoll, por disa qëllime. Të trajtojmë simptoma, që do të thotë temperatura me ilaçe që ulin temperaturës. Me ilaçet që trajtojnë kollën për ata që kanë kollë deri në intubim të pacientëve që nuk mbushen me frymë", tha Çerpja e ndërsa tha se me ardhjen e këtij virusi ka ndryshuar edhe struktura e spitalit. "Gjendja aktuale është e menaxhueshme, por marrin mjekimin rreth 45 pacientë dhe 25 prej tyre janë në terapi intensive. Strukturat e spitalit kanë ndryshuar që kur jemi përgatitur për këtë virus dhe po trajtohen duke filluar në Urgjencë, aty u bëhet tamponi, me apo pa simptoma dhe kur kanë simptoma atëherë do të izolohen deri në momentin që ne do të kemi një përgjigje të analizave", tha ajo.
Çerpja ka sjellë në vëmendje masat të cilat ka marrë qeveria gjermane për të parandaluar përhapjen e koronavirusit! Transporti publik nuk është mbyllur totalisht, por janë vendosur masa të rrepta, ku nuk lejohet mbipopullimi, 1 në 2 sedilje duhet të ketë udhëtarë. Gjithashtu, shtoi Çerpja, supermarketet nuk janë mbyllur, por edhe ato funksionojnë me masa të rrepta e ndërsa u lejohet qytetarëve që të shkojnë në parqe, por familjet duhet të jenë të shkëputura nga njëra-tjetrën.
"Masat që janë marrë në spitalin tonë, ka filluar që para 2 javësh është mbyllur ardhja e vizitorëve, që do të thotë të familjarëve. Kontrollohen të gjithë punonjësit që futen në spital. Të gjithë janë të pajisur me maska të detyrueshme, maskën e thjeshtë ndërsa ata që janë në vijën e parë kemi veshjen mbrojtëse. Në Gjermani supermarketet vijojnë punën pa orare të kufizuese, ka tregues për të ruajtur distancën. Kasieri ka një xham përpara që e mbron nga spërklat dhe pagesat të paguhen me kartë dhe jo cash. Parqet lejohet të dalin familjeve me distancë, grumbullimet me më shumë se 2 persona nuk lejohet. Transporti nuk është ndryshuar, por ndërgjegjësimi i qytetarëve është shumë i madh duke ditur që kur nuk kanë nevojë që të dalin, zgjedhin të rrinë në shtëpi. Në metro shoferi ka kabinën e tij, ndërsa në autobus sediljet e para të shoferit janë të mbyllura, dhe në autobus 1 në 2 sedilje ulen pasagjerë", tha Çerpja.
E zhveshur nga profesioni i infermierës, Çerpja tha se në pëfundim të punës, në kontaktet që ka me familjet ka një mison edhe më të veçantë. Në shtëpi reflekton se çfarë duhet të kishte bërë më mirë, e ndërsa thotë përpiqet që të përcjellë pozitivitet duke u thënë se do ta mposhtim.
"Nuk kam frikë, por kujdes shumë! Mundohemi shumë që ne të jemi të mbrojtur ashtu edhe pacienti. Aty fillon reflektimi, mendimet që diçka mund ta kisha bërë më mirë, mund të isha mbrojtur më mirë. Kur flas me familjen mundohem të jap pozitivitetin që ne mund ta mposhtim këtë gjë", përfundoi Çerpja.
Në Gjermani deri më tani janë konfirmuar pozitiv 103,375 raste e ndërsa janë regjistruar 1,810. Lajmi i mirë është se 36,081 persona janë shëruar
Komente
Lajme të tjera
-
I’u është refuzuar azili, emigrantët marrin para nga Gjermania për t’u larguar nga vendi
23 Nëntor, 18:43 -
DW: Arrestimi i Netanjahut në Gjermani vështirë të përfytyrohet
23 Nëntor, 12:43 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
Ekstradohet një 62-vjeçar nga Gjermania, akuzohet se kanosi një shtetase për t'i marrë 5000 euro, i ngacmoi seksualisht mbesën
21 Nëntor, 15:29 -
Finlanda i bashkohet Suedisë, çel hetimet për kabllot prera të transmetimit të të dhënave në Detin Baltik
21 Nëntor, 08:41 -
'The New York Post': Evropa përgatitet për Luftën e Tretë Botërore, dokumentet sekrete gjermane zbulojnë planet
21 Nëntor, 08:26 -
Gjermania furnizon për herë të parë Ukrainën, i jep 4000 dronë me inteligjencë artificiale
20 Nëntor, 11:45 -
Presion ndaj Scholzit që të mos garojë për një tjetër mandat si kancelar i Gjermanisë
19 Nëntor, 20:09 -
Dëmtohet kablloja nënujore mbi 1 mijë kilometra e gjatë që lidh Gjermaninë me Finlandën, Berlini: Sabotim
19 Nëntor, 16:05 -
Gjermani/ Të Gjelbrit zgjedhin Robert Habeck si kandidat për kancelar në zgjedhjet e parakohshme
17 Nëntor, 18:07
thash se na tha nai gjo te re.
Përgjigju