Inflacioni në Kosovë shënon rritje, shkon në 14,2% krahasuar me një vit më parë

Inflacioni në Kosovë në korrik të këtij viti ka arritur 14,2 për qind në raport me muajin korrik të vitit të shkuar. Sipas raportit të fundit të Agjencisë së Statistikave të Kosovës, inflacioni është më i lartë në një mesatare prej 0. 9 për qind në muajin korrik 2022, krahasuar me muajin qershor të po këtij viti.

Kjo rritje e çmimeve është kryesisht te shërbimet e transportit 9,4 për qind, dhe lëndët djegëse të ngurta, dru zjarri, pelet etj. 7,4 për qind, dhe ushqime mesatarisht 4%.

“Indeksi i tërësishëm i harmonizuar i çmimeve të konsumit është më i lartë në një mesatare prej  0.9% në muajin korrik 2022, krahasuar me muajin qershor 2022. Kjo kryesisht është shpjeguar me ngritjen e çmimeve të konsumit te nëngrupet e COICOP-it: pushime të organizuara (22.1%); shërbime për transport (9.4%); lëndë djegëse të ngurta, dru zjarri, pelet etj. (7.4%); qumësht, djathë dhe vezë (4.8%); bukë dhe drithëra (3.9%); pemë (3.6%); pije alkoolike (3.5%); mallra dhe shërbime për mirëmbajtjen e zakonshme të ekonomisë shtëpiake (2.6%); shërbime hoteliere (2.0%); mish (1.7%); qelqurina, takëme dhe mjetet e kuzhinës (1.1%), me një ndikim të përbashkët të këtyre nëngrupeve prej 1.5 për qind në IHÇK”, thuhet në raportin e ASK-së.

LEXO EDHE:
Anëtarësimi/ Çështja e Kosovës nuk është në rendin e ditës së Këshillit të Ministrave të KiE

Vendet e rajonit po përballje me rritje të lartë të nivelit të inflacionit, duke e bërë të vështirë për qytetarët përballjen me blerjen e produkteve dhe shërbimeve të nevojave bazë.

 

D.GJ/Shqiptarja.com

TAG:
• kosove
• inflacioni
• rritja e cmimeve