POP 5

Lajmet më të lexuara të 5 minutave të fundit

Politikë

Inovacioni në Akademinë e FA, Peleshi vizitë zyrtare në Estoni

Ministri i Mbrojtjes Niko Peleshi, në datat 2-3 qershor, zhvilloi një vizitë zyrtare në Estoni, me ftesë të homologut të tij, ministrit Kalle Laanet.

Inovacioni në Akademinë e FA, Peleshi vizitë zyrtare në Estoni

Ministri Niko Peleshi dhe ministri Kalle Laanet

Ministri i Mbrojtjes Niko Peleshi, në datat 2-3 qershor, zhvilloi një vizitë zyrtare në Estoni, me ftesë të homologut të tij, ministrit Kalle Laanet.

Peleshi falenderoi zotin Laanet për mikpritjen si edhe shprehu mirënjohjen për mbështetjen e jashtëzakonshme diplomatike të Estonisë për Shqipërinë dhe faktorin shqiptar në rajon. Ministri i Mbrojtjes vlerësoi Estoninë si një nga vendet që shprehet qartë për domosdoshmërinë e integrimit të vendeve të Ballkanit Perëndimor në Bashkimin Europian duke e konsideruar procesin e hapjes së negociatave thelbësor për paqen dhe sigurinë në rajon.

Të dy ministrat e Mbrojtjes vlerësuan kontributet respektive dhe pjesëmarrjen ndër vite, me një numër të konsiderueshëm trupash, në misionet e drejtuara nga NATO, BE dhe OKB. Ata rikonfirmuan qëndrimin se do të vijojnë të jenë mbështetës të çdo vendimi që Aleanca do të marrë në lidhje me Afganistanin, tashmë që misioni Resolute Support përfundoi si edhe të çdo vendimi tjetër që pritet të merret në Samitin e Brukselit, me fokus në agjendën e NATO 2030. 

Ndërkaq Peleshi theksoi angazhimin për intensifikimin e marrëdhënieve bilaterale në fushën e mbrojtjes me Estoninë. Në mënyrë të veçantë biseda u përqendrua në mundësitë e mbështetjes me kurse dhe trajnime të personelit shqiptar në Qendrën e Ekselencës së NATO-s për Cyber Defense, një sfidë e re kjo për Shqipërinë.

Pas takimin në Ministrinë e Mbrojtjes së Estonisë delegacioni shqiptar zhvilloi një vizitë në Kolegjin Balltik të Mbrojtjes, në Tartu të Estonisë, ku u trajtuan gjerësisht mundësitë e bashkëpunimit dhe shkëmbimit të eksperiencës me Akademinë e Forcave të Armatosura në Tiranë.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

'Trampistët' e Berishës në Tiranë po e masakrojnë, Sekretari i Shtetit Rubio takon Yuri Kim

'Trampistët' e Berishës në Tiranë po e masakrojnë, Sekretari i Shtetit Rubio takon Yuri Kim

24 Janar, 15:45