POP 5

Lajmet më të lexuara të 5 minutave të fundit

Kultura

Instalacioni ‘Enough is enough’. Artisti: U frymëzova nga deklarata e Bushit, por është shenjë mirënjohjeje dhe për shqiptarët

Artisti i njohur Alban Muja 30-vjetorin e rivendosjes së marrëdhënieve diplomatike mes Shqipërisë dhe Shteteve të Bashkuar të Amerikës e përkujton përmes një instalacioni në Tiranë. Muja për veprën është frymëzuar nga deklarata që George Bush bëri në Tiranë për Kosovën para 13 vitesh

“Ka ardhur koha, madje sa më shpejt, që të themi “Mjaft më!” (Enough is enough!), Kosova është e pavarur!”. Këtë mesazh të George Bush për politikën ndërkombëtare gjatë vizitës në Tiranë në vitin 2007 , artisti Alban Muja e rikujton përmes një vepre të artit publik në kryeqytet.

Intalacioni “Enough is enough” i mbështetur nga “Harabel” u inaugurua në këtë 30 –vjetor, që përkon edhe me rivendosjen e marrëdhënieve diplomatike midis Shqipërisë edhe Shteteve të Bashkuara të Amerikës. Por, kjo vepër është edhe si një shenjë mirënjohje për mirëpritjen, që u bë gjatë eksodit të luftës në Kosovë nga shqiptarët.  

Vepra në skulpturë e derdhur në hekur, si një urë lidh dy brigjet e lumit të Lanës, në një prej zonave më urbane të kryeqytetit. Është e përbërë prej germave formuese të togfjalëshit “Enough is Enough”, është rreth 17.5 metra e gjatë dhe secila germë 1,8 metra e lartë.

Artisti Alban Muja "Enough is Enough" e prezanton në vazhdimësi të diskursit që ngre përmes punës së tij, duke e vendosur publikun përballë çështjeve të luftës, emigrimit e ndarjes, por edhe rëndësisë së vlerave humaniste, si ndihmesa kolektive, gjendja e njeriut për njeriun. 

Shqipëria rivendosi marrëdhëniet diplomatike me SHBA më 15 Mars 1991. 100 ditë më pas Sekretari Amerikan i Shtetit James Baker vizitoi Tiranën ku ju rezervua një pritje e shprehjes kuptimplotë të respektit dhe aleancës me SHBA, të cilën Sekretari Baker e përkufizoi: "Ne jemi me ju, ju jeni me ne”.

1616247422_1616244421ENOUGH.jpg

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Spahiu: Berisha ekziston në politikë sepse i duhet Edi Ramës, si skemë për mandatin e 4 dhe 5

Spahiu: Berisha ekziston në politikë sepse i duhet Edi Ramës, si skemë për mandatin e 4 dhe 5

26 Dhjetor, 21:54