Instat: Tetor 2012, inflacioni
në kuotën 2.4 për qind

TIRANE-  Çmimet e konsumit në muajin tetor shënuan një rritje prej 0.2 përqindësh krahasuar me një muaj më parë, njoftoi Instituti i Statistikave. Sipas INSTAT-it, krahasuar me një vit më parë në të njejtin muaj, rritja e indeksit të përgjithshëm të çmimeve të “shportës” është në masën 2.4 për qind, pra Brenda objektivit të Bankës së Shqipërisë, që parashikon një infpacion optima midis 2 dhe 4 përqindëshit. Një vit më pare, në tetor inflacioni në shkallë vjetore ishte 3.0 për qind.

Indeksi i grupit “Ushqime dhe pije joalkoolike” shënoi një rritje mujore prej 0.2 përqindësh. Këtu mund të përmendet rritja në nëngrupin “mish” me 1.3 për qind dhe ”qumësht, djathë e vezë” me 0.6 për qind. Indeksi i grupit ”Pije alkoolike dhe duhan” ka shënuar një rritje prej 1.5 për qind, rritje kjo që ka ardhur si rezultat i rritjes së çmimit të duhanit me 1.5 për qind dhe çmimit të pijeve alkoolike me 1.4 për qind.

Indeksi i grupit ”Veshje dhe këpucë” ka shënuar një rritje prej 0.5 përqindësh, ndërsa grupi ”Transporti” ka shënuar një ulje çmimesh në masën 0.1 për qind. Gjatë muajit tetor çmimi i naftës (gazolit) shënoi një ulje prej 1.0 përqindësh dhe çmimi i benzinës një ulje në masën 0.5 për qind.

Indeksi i grupit ”Komunikimi” shënoi një ulje prej 0.2 për qind, ku mund të veçohet ulja e tarifave te shërbimit te internetit nëpërmjet telefonise fikse në masën 1.4 për qind ndaj shtatorit.

Indeksi i grupit ”Shërbimi arsimor” ka shënuar një rritje prej 1.9 përqindësh, rritje kjo si rezultat i rritjes së ndjeshme të tarifave për studentët në universitete, prej 4.0 përqindësh.
(gk/sg/shqiptarja.com)

TAG:
• nafte