POP 5

Lajmet më të lexuara të 5 minutave të fundit

Ekonomi

INSTAT: Tregtia me Italinë
rriten importet, bien eksportet

Importet e mallrave nga Italia në Shqipëri, gjatë nëntëmujorit të parë të vitit 2015 arritën në rreth 118.248 milionë lekë, kur në të njëjtën periudhë të një viti më parë u importuan 115.767 milionë lekë. Por, ndryshe nga importet, eksportet nga Italia për këtë periudhë kanë shënuar rënie.
Importet e mallrave nga Italia në Shqipëri, gjatë nëntëmujorit të parë të vitit 2015 arritën në rreth 118.248 milionë lekë, kur në të njëjtën periudhë të një viti më parë u importuan 115.767 milionë lekë. Por, ndryshe nga importet, eksportet nga Italia për këtë periudhë kanë shënuar rënie.
 
Gjithsesi, nga të dhënat e INSTAT-it rezulton se Italia vazhdon të mbetet partneri kryesor tregtar i vendit. Referuar të dhënave, eksportet e Shqipërisë drejt Italisë llogariten 91.600 milionë lekë. Në të njëjtën periudhë të një viti më parë eksportet nga Italia llogariteshin 99.696 milionë lekë
 
Sipas INSTAT-it, me Italinë, shkëmbimet tregtare zënë 37 për qind të totalit. Në vlerën e lartë të mallrave të importuara nga shteti fqinj, vendin kryesor e zënë grupi i mallrave ‘minerale dhe lëndë djegëse dhe energji elektrike” në vlerën 19.801 milionë lekë, e pasuar nga grupi makineritë dhe pajisje dhe pjesë këmbimi për industritë e reja dhe për rinovimin e atyre ekzistuese nga sipërmarrësit privatë shqiptarë, por dhe italianë që ushtrojnë aktivitet në Shqipëri.
 
Importi i kësaj kategorie arriti për këtë periudhë vlerën e 19,170 milionë lekëve, duke treguar interesin e lartë në rritje të biznesit për futjen në përdorim të makinerive cilësore, kryesisht për sektorët e industrisë tekstile, të materialeve të ndërtimit si dhe të prodhimit të produkteve agroindustriale. Në vlerën e mallrave të eksportuar drejt shtetit fqinj, vendin kryesor e zë grupi “tekstile dhe këpucë”. Eksporti i kësaj kategorie arriti për 9-mujorin arriti vlerën e mbi 54.367 milionë lekëve. Atsh/


Redaksia Online/Shqiptarja.com

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55