POP 5

Lajmet më të lexuara të 5 minutave të fundit

Politikë

Integrimi në BE, diplomacia tur 
takimesh për të marrë Statusin

Anglia, Franca dhe Gjermania do të jenë pikat ku do të fokusohet diplomacia shqiptare në këto 18 ditë, që shënojnë afatin e rradhës për marrjen e statusit të vendit kandidat për Shqipërinë. Do të jetë kryeministri Edi Rama, ministri i Jashtëm Ditmir Bushati, si dhe ministrja e Integrimit Klajda Gjosha, që do të kenë angazhimet më konkrete në garantimin e statusit të vendit kandidat për Shqipërinë.
Integrimi në BE, diplomacia tur <br />takimesh për të marrë Statusin
TIRANE- Anglia, Franca dhe Gjermania do të jenë pikat ku do të fokusohet diplomacia shqiptare në këto 18 ditë, që shënojnë afatin e rradhës për marrjen e statusit të vendit kandidat për Shqipërinë. Do të jetë kryeministri Edi Rama, ministri i Jashtëm Ditmir Bushati, si dhe ministrja e Integrimit Klajda Gjosha, që do të kenë angazhimet më konkrete në garantimin e statusit të vendit kandidat për Shqipërinë. Vetëm pak muaj më parë në takimet në Holandë, kryeministri Rama ka marrë garancinë se gjithçka do të varet nga Progres-Raporti. Madje Rama më pas do të theksonte se marrja e një raporti pozitiv do të shënonte realizimin e punës më të madhe.

Takimet
Javën e ardhshme mësohet se ministrja Gjosha do të niset drejt Anglisë. Por këtë herë delegacioni shqiptar do të ketë më vete raportin e KE, ku vlerësohen hapat e qeverisë shqiptare në sektorët që ishin parë me rezerva më parë. Ndërkohë që vota e Anglisë do të ketë një peshë të madhe për provën e radhës. Pas Anglisë delegacioni shqiptar do të niset drejt Parisit, ndërsa Rama do të jetë prezent në takime. Sigurisht ashtu si dhe Anglia, Franca ka ndikim të madh dhe në vendet e tjera që janë shprehur skeptike. Ndërsa në Gjermani duket se do të jetë ndikimi i takimit të kryeministrit Rama me kancelaren Merkel që do të vendosë dhe sjelljen në datën 23 qershor.

Zgjerimi
Një tjetër faktor i cilësuar pozitiv për Shqipërinë është dhe fakti se në takimin e pak ditëve më parë të KE, u theksua nevoja për zgjerimin e BE. Një element që më parë është parë me skepticizëm. Por se stabiliteti i politikës në vendet e BE pas tronditjes nga kriza ekonomike, si dhe qetësimi i situatës në Greqi po shihen si element pozitiv.

Raporti
Delegacioni shqiptar duket se do të ketë në dorë një element të rëndësishëm në bisedimet e fundit me vendet skeptike. Ndonëse gjatë muajve të parë të këtij viti janë zhvilluar vizita të shpeshta, në kuadër të mbështetjes për statusin e Shqipërisë, Rama dhe dy ministrat Bushati e Gjosha do të mbështeten në pikat e lexuara prej komisionerit Fyle.

Grevat
Nga ana tjetër acarimi i situatës politike në Shqipëri duket se nuk do të kenë ndikim në vendimin përfundimtar të vendeve skeptike. Madje dhe në vizitën e komisionerit Fyle, kjo pikë është prekur shumë pak. Ndërsa po në ditën e bërjes publike të raportit të KE për Shqipërinë u ndërpre dhe greva e urisë të larguarve nga puna. Tashmë e gjithë vëmendja dhe tema e diskutimeve që pritet të ndërmarrë delegacioni shqiptar do të jetë mbi reformën në drejtësi, lufta ndaj korrupsionit, nismat për stabilitetin ekonomik si dhe lufta ndaj trafiqeve.

Shkrimi u botua në Shqiptarja.com (print) në 6 qershor 2014

Redaksia Online
(d.a/shqiptarja.com) 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51