Zikaltërit nuk ngrenë kokë dhe vijojnë të jenë në krizë ku kanë marrë vetëm 2 pikë në 6 ndeshjet e fundit dhe përfundimisht i thonë lamtumirë Kupave të Europës.
Napoli vijon të tregojë një superformë dhe tashmë është në ndjekje të vendit të dytë pasi Roma është vetëm një pikë larg.
Ndeshjen e mbrëmjes së djeshme e vendosi një gol i spanjollit Callejon që tundi rrjetën pas një gabimi të pabesueshëm të Nagatomo.
Trajneri i Napolit Sarri duartroket sezonin e skuadrës së tij ndërsa Pioli thotë se Interi ka organikë dhe nuk është për tu ribërë si skuadër.
Në Premier League fitojnë të dyja skuadrat kryesuese në ndeshjet e javës së 35-të. Chelsea shkatërroi Everton duke e mposhtur 3-0 në transfertë ndërsa Tottenham fitoi derbin e Londrës duke e mposhtur pastër Arsenalin 2-0.
Golat për Tottenham janë shënuar nga dy lojtarët më në formë Dele Alli dhe Harry Kane me penallti.
Të dy golat janë shënuar në fillimin e pjesës së dytë. Blutë e Londrës kryesojnë me 81 pikë ndërsa Tottenham kanë 4 më pak.
Redaksia Online
Al.N/Shqiptarja.com