TIRANE- Është e njohur nga bashkëqytetarët e saj për punën si arkitekte, për realizimin e projektit të Teto Ollgës në Tushemisht, por edhe për një risi të lavdërueshme, po aq sa unike në llojin e vet, të krijimit të një “shtëpie të miqve”, ku njerëz të ndryshëm bashkohen për një kafe apo për një gotë verë, traditë kjo, e të parëve të saj.

Tani, nga pozicioni i kandidates për kryetare të Bashkisë “së madhe” të Pogradecit, Diana Mile shpalos idenë e saj një hap më larg: Ta kthejë Lyhnidasin e lashtë në një shtëpi të madhe miqsh, për shqiptarë e të huaj, banorë të zonës urbane dhe asaj rurale… 
 
Zonja Mile, e kërkuat ju, apo e përzgjodhi faktori politik emrin tuaj si kandidati i së Majtës për të drejtuar në periudhën e ardhshme 4-vjeçare Bashkinë “e madhe” të Pogradecit?
Propozimi per kandidaturën, në të vërtetë, erdhi nga faktori politik dhe unë e pranova atë, si një sfidë dhe, njëkohësisht, si një vlerësim që më bëhej mua.