Intervista/ Ilir Meta: LSI është 
gati të votojë Byronë e HetimitDrafti - Si do funksionojë Byroja

TIRANË - Kryetari i Kuvendit, Ilir Meta ka thënë dje se LSI, partia që ai drejton është e gatshme të votojë ngritjen e Byrosë së Hetimit, pavarësisht nëse ajo do të jetë në varësi të Prokurorisë, apo të ndonjë organi tjetër. Në një intervistë Meta tha se vlerësimi progresiv i “Standard & Poor’s” është një dëshmi se programi i qeverisë shqiptare me Fondin Monetar Ndërkombëtar po jep efekte pozitive.
 
E nisim në fakt me zhvillimet më të fundit. Dje pasdite keni pasur një takim dy orësh me koalicionin, “njësia e koordinimit” siç njihet ndryshe, ku ka pasur tema nga më të ndryshimet nga sa kemi mësuar për marrëveshjen me FMN-në, për bujqësinë, për Reformën në Drejtësi, por edhe për Byronë Kombëtare të Hetimit. A patët dje një vendimmarrje për afatet se kur mund të ngrihet kjo Byro?
Tema kryesore ka qenë diskutimi lidhur me ecurinë e ekonomisë dhe të reformave dhe diskutimi për këtë çështje kaq të rëndësishme që lidhet me interesin e gjithë qytetarëve shqiptar, ka ndodhur në një moment që do ta quaja mjaft pozitiv kur “Standard and Poor’s” ka rritur vlerësimin për performancën e ekonomisë sonë,