TIRANE- Deputeti i Lëvizjes Socialiste për Integrim, Përparim Spahiu, i konsideron si zgjidhje të gabuara ashpërsimet e Kodit Penal ndaj shkeljeve tatimore e doganore të biznesit. Në një intervistë për Shqiptarja.com, Spahiu sqaron se kur dënimi është më i lartë, edhe më i lartë bëhet korrupsioni, dhe eficenca e masës është zero. 

Qeveria ka sjellë për shqyrtim në Kuvend projektligjin “Për disa ndryshime dhe shtesa në ligjin nr.7895, datë 27.1.1995, “Kodi Penal i Republikës së Shqipërisë”të ndryshuar. Ky draft ashpërson gjobat dhe dënimet ndaj biznesit që punon në informalitet. A është ky draft një rrezik i shtuar për biznesin në vend?
Jam i mendimit që informaliteti duhet luftuar me patjetër. Nuk ka asnjë kuptim që të flasim për shtet apo për axhenda integrimi pa formalizuar ekonominë.