Intervista/ Robert Elsie:Lef Nosi se
 kishte të dashur Margaret Hasluck

TIRANE- Ndërsa po bisedonim me studiuesin dhe albanologun Robert Elsie për zbulimin e “Koleksionit” të rrallë të Margaret Hasluck (1885-1948), me rrëfenja e folklor shqiptar, kujtuam mikun e saj shqiptar, Lef Nosin, për figurën e të cilit u ndez një debat publik nga Ben Blushi. Politikani dhe shkrimtari Ben Blushi është nipi i shkrimtarit e studiuesit shqiptar Dhimitër Shuteriqi. Blushi, një javë më parë u shpreh në një emision mediatik se “shpresoj që bustin e Lef Nosit (e kishte fjalën për shtatoren…) ta tërheqin zvarrë qytetarët e Elbasanit”, sepse sipas tij, Lef Nosi ishte bashkëpunëtor me fashistët. Elsie që e ka zbuluar Lef Nosin me vlerat e një gjeniu nga librat e etnologes skoceze, Margaret Hasluck, befasohet nga qëndrimi i Ben Blushit.