Ministr i Ekonomisë Arben Ahmetaj i pranishëm në prezantimin e projektit të turizmit të iniciuar e financuar nga qeveritë amerikane e zvicerane u shpreh se është domosdoshmëri që të ruajmë dy vlera të mëdha të vendit tonë që na ndihmojnë për turizmin.
“Kemi dy sfida tejet të rëndësishme. Sfida e parë është të ruajmë natyrën sepse mund të kemi një tentim që në zhvillimin turistik të shkatërrojmë atë që është baza e rritjes të zhvillimit ekonomik dhe turizmit. Sfida e dytë është të rrisim kapacitetet turistike dhe cilësinë e shërbimit në mënyrë që zinxhiri i numrave të vijë gjithmonë duke u rritur”, u shpreh Ahmetaj.
Ndërkohë sipas përfaqësueses së Zyrës për Zhvillim dhe Bashkëpunim e Suedisë, Birgitta Jansson, turizmi është sektor i ri për kontributin suedez. E rezultatet që priten prej këtyre investimeve janë integrimi ekonomik dhe zhvillimi i ekonomisë së tregut.
Redaksia Online
(u.s/shqiptarja.com)
![](https://www.shqiptarja.com/template/img/sh_logo1.png)